17 ‏- Қурултайда оттуриға қоюлған дәсләпки тәқсиматта адил болуш дегән сиясәт һәққидә мулаһизә


2007-10-25
Share

Ху җинтав 17 ‏- қурултайда иқтисадий сиясәт һәққидиму сөз ечип 'дәсләпки тәқсимат' вә 'қайта тәқсимат' дегән иқтисадшунаслиқ аталғулирини тилға елип, 'дәсләпки тәқсиматта адил болуш' керәкликини тәкитлигән иди. Хәлқарада мутәхәссисләрниң буһәқтики мулаһизилири елан қилинди.

Хитайдики байлар билән намратларниң пәрқини 'дәсләпки тәқсимат' тики адаләтсизлик пәйда қилған

Бейҗиң университетиниң иқтисад иниститути профессори шаң девенниң америка авазида елан қилған обзорида баян қилинишичә, 17 ‏- қурултайниң доклатида 'дәсләпки тәқсиматта адил болуш' керәклики тилға елинди. Бу җуңгода һазир байлар билән намратларниң пәрқи наһайити чоң болуп кәткәнликигә қарита оттуриға қоюлған тәдбир. Әмәлийәттә байлар билән намратларниң пәрқиниң һазирқидәк чоң болушини дең шавпиң, җаң земинләрниң 'бир қисим кишиләр алди билән бай болсун' дегән сиясити кәлтүрүп чиқарди.

Ғәрб тәрәптики районлар билән шәрқ тәрәптики районларниң пәрқиниң чоң болушиниму кәлтүрүп чиқарди. Һазирқи 'җуңгочә сотсялизм' дейилгән җәмийәт, әмәлийәттә һоқуқвазларниң капитализми. Бухил иҗтимаий түзүмдә тәқсимат пүтүнләй һоқуқвазларға ян басидиған тәқсимат. Һазирқи байлар болса дәсләпки тәқсиматта көп миқдарға игә болған бу бир қисим кишиләр , намратлар болса дәсләпки тәқсиматта наһайити аз миқдарға игә болған бир қисим кишиләр иди. Өзиниң әмгикидин киргән киримгә тайинидиған кишиләрниң һәммиси, кирими төвән һәм һәргиз тез өсмәйдиған, әң төвән яки оттура һал турмуш сәвийисидә яшайдиған кишиләр. Ху җинтав 17 ‏-қурултайда буни тәңшәшкә вәдә бәрди. Әмма хәлқ һазир коммунист партийигә ишәнмәйду, коммунист партийә гәпни чирайлиқ қилғини билән қилған иши униң тәтурисичә болуп кәлмәктә.

Профессор шаң әпәндиниң қаришичә, һазир хитайдики иқтисадий тәрәққият пәқәт көпләп мәбләғ селишқа, турхунлардин зәһәрлик маддиларни көпләп чиқиришқа, хәлқниң һаятлиқ муһитини еғир дәриҗидә булғашқа мәҗбур. Ундақ болмиса йүрүшмәйду, әгәр төвән нисбәттә тәрәққи қилдурулса, бу дөләт өзиниң мәвҗутлуқини сақлиялмайду.

Коммунист партийиниң мәвҗутлуқи җәмийәттики мәнпәтдар гуруһлардин айрилалмайду

'Бейҗиң баһари журнили'ниң муһәррири ху пиң әпәндиниң әркин асия радиосида елан қилған обзорида баян қилинишичә, 17 ‏- қурултай коммунист партийиниң йиғини, униңда сөзләнгән иқтисадий мәсилиләр, болупму байлар билән намратларниң пәрқини һәл қилиш, хәлқ турмушини яхшилаш дегән сөзләр, партийини һәммә ишқа, болупму хәлқ турмуши мәсилисигә көңүл бөлидиған қилишип көрситиш үчүн дейилгән сөзләр.

Гәрчә коммунист партийиниң юқири қатлими һазир дуняниң бесимиға бәрдашлиқ берәлмәй, бу дөләттики байлар билән намратларниң пәрқини кичиклитишни, хәлқниң турмушини аз-тола яхшилап қоюшни ойлиди дегәндиму, һазирқи әһвалда коммунист партийиниң юқири қатлимида оттуриға қоюлған бу сиясәтләр асасий қатламларда әмәлийләшмәйду. Чүнки хитайда һазир давам қиливатқан байлар билән намратларниң пәрқини тарих кәлтүрүп чиқармиған яки базар игилики кәлтүрүп чиқармиған. Уни дәл коммунист партийә өзи 'инқилаб' дегән нам билән иқтисад игилирини йоқитип, уларниң хусусий мүлкини омумниң қиливетип, уни кейин йәнә 'ислаһат' дегән нам билән партийиниң өзиниң хусусий мүлкигә айландурувалди.

Гәрчә коммунист партийиниң юқири қатлими һазир дуняниң бесимиға бәрдашлиқ берәлмәй, бу дөләттики байлар билән намратларниң пәрқини кичиклитишни, хәлқниң турмушини аз-тола яхшилап қоюшни ойлиди дегәндиму, һазирқи әһвалда коммунист партийиниң юқири қатлимида оттуриға қоюлған бу сиясәтләр асасий қатламларда әмәлийләшмәйду. Чүнки хитайда һазир давам қиливатқан байлар билән намратларниң пәрқини тарих кәлтүрүп чиқармиған яки базар игилики кәлтүрүп чиқармиған. Уни дәл коммунист партийә өзи 'инқилаб' дегән нам билән иқтисад игилирини йоқитип, уларниң хусусий мүлкини омумниң қиливетип, уни кейин йәнә 'ислаһат' дегән нам билән партийиниң өзиниң хусусий мүлкигә айландурувалди.

Һазирқи байлар билән намратларниң пәрқи мушу җәрянда пәйда болди. Коммунист партийиниң мәвҗутлуқи җәмийәттики мәнпәтдар гуруһлардин айрилалмайду. Хиянәт арқилиқ бай болған коммунист һоқуқвазлири, мәнпәәт игилири уни хәлққә қайтуруп бәрмәйду. Ху җинтавниң 'тәқсиматта адил болуш' сияситиниң әмәлийлишишидин үмид йоқ. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт