17 ‏- Qurultayda otturigha qoyulghan deslepki teqsimatta adil bolush dégen siyaset heqqide mulahize


2007-10-25
Share

Xu jintaw 17 ‏- qurultayda iqtisadiy siyaset heqqidimu söz échip 'deslepki teqsimat' we 'qayta teqsimat' dégen iqtisadshunasliq atalghulirini tilgha élip, 'deslepki teqsimatta adil bolush' kéreklikini tekitligen idi. Xelq'arada mutexessislerning buheqtiki mulahiziliri élan qilindi.

Xitaydiki baylar bilen namratlarning perqini 'deslepki teqsimat' tiki adaletsizlik peyda qilghan

Béyjing uniwérsitétining iqtisad inistituti proféssori shang déwénning amérika awazida élan qilghan obzorida bayan qilinishiche, 17 ‏- qurultayning doklatida 'deslepki teqsimatta adil bolush' kérekliki tilgha élindi. Bu junggoda hazir baylar bilen namratlarning perqi nahayiti chong bolup ketkenlikige qarita otturigha qoyulghan tedbir. Emeliyette baylar bilen namratlarning perqining hazirqidek chong bolushini déng shawping, jang zéminlerning 'bir qisim kishiler aldi bilen bay bolsun' dégen siyasiti keltürüp chiqardi.

Gherb tereptiki rayonlar bilen sherq tereptiki rayonlarning perqining chong bolushinimu keltürüp chiqardi. Hazirqi 'junggoche sotsyalizm' déyilgen jem'iyet, emeliyette hoquqwazlarning kapitalizmi. Buxil ijtima'iy tüzümde teqsimat pütünley hoquqwazlargha yan basidighan teqsimat. Hazirqi baylar bolsa deslepki teqsimatta köp miqdargha ige bolghan bu bir qisim kishiler , namratlar bolsa deslepki teqsimatta nahayiti az miqdargha ige bolghan bir qisim kishiler idi. Özining emgikidin kirgen kirimge tayinidighan kishilerning hemmisi, kirimi töwen hem hergiz téz ösmeydighan, eng töwen yaki ottura hal turmush sewiyiside yashaydighan kishiler. Xu jintaw 17 ‏-qurultayda buni tengsheshke wede berdi. Emma xelq hazir kommunist partiyige ishenmeydu, kommunist partiye gepni chirayliq qilghini bilen qilghan ishi uning teturisiche bolup kelmekte.

Proféssor shang ependining qarishiche, hazir xitaydiki iqtisadiy tereqqiyat peqet köplep meblegh sélishqa, turxunlardin zeherlik maddilarni köplep chiqirishqa, xelqning hayatliq muhitini éghir derijide bulghashqa mejbur. Undaq bolmisa yürüshmeydu, eger töwen nisbette tereqqi qildurulsa, bu dölet özining mewjutluqini saqliyalmaydu.

Kommunist partiyining mewjutluqi jem'iyettiki menpetdar guruhlardin ayrilalmaydu

'Béyjing bahari zhurnili'ning muherriri xu ping ependining erkin asiya radi'osida élan qilghan obzorida bayan qilinishiche, 17 ‏- qurultay kommunist partiyining yighini, uningda sözlen'gen iqtisadiy mesililer, bolupmu baylar bilen namratlarning perqini hel qilish, xelq turmushini yaxshilash dégen sözler, partiyini hemme ishqa, bolupmu xelq turmushi mesilisige köngül bölidighan qiliship körsitish üchün déyilgen sözler.

Gerche kommunist partiyining yuqiri qatlimi hazir dunyaning bésimigha berdashliq bérelmey, bu dölettiki baylar bilen namratlarning perqini kichiklitishni, xelqning turmushini az-tola yaxshilap qoyushni oylidi dégendimu, hazirqi ehwalda kommunist partiyining yuqiri qatlimida otturigha qoyulghan bu siyasetler asasiy qatlamlarda emeliyleshmeydu. Chünki xitayda hazir dawam qiliwatqan baylar bilen namratlarning perqini tarix keltürüp chiqarmighan yaki bazar igiliki keltürüp chiqarmighan. Uni del kommunist partiye özi 'inqilab' dégen nam bilen iqtisad igilirini yoqitip, ularning xususiy mülkini omumning qiliwétip, uni kéyin yene 'islahat' dégen nam bilen partiyining özining xususiy mülkige aylanduruwaldi.

Gerche kommunist partiyining yuqiri qatlimi hazir dunyaning bésimigha berdashliq bérelmey, bu dölettiki baylar bilen namratlarning perqini kichiklitishni, xelqning turmushini az-tola yaxshilap qoyushni oylidi dégendimu, hazirqi ehwalda kommunist partiyining yuqiri qatlimida otturigha qoyulghan bu siyasetler asasiy qatlamlarda emeliyleshmeydu. Chünki xitayda hazir dawam qiliwatqan baylar bilen namratlarning perqini tarix keltürüp chiqarmighan yaki bazar igiliki keltürüp chiqarmighan. Uni del kommunist partiye özi 'inqilab' dégen nam bilen iqtisad igilirini yoqitip, ularning xususiy mülkini omumning qiliwétip, uni kéyin yene 'islahat' dégen nam bilen partiyining özining xususiy mülkige aylanduruwaldi.

Hazirqi baylar bilen namratlarning perqi mushu jeryanda peyda boldi. Kommunist partiyining mewjutluqi jem'iyettiki menpetdar guruhlardin ayrilalmaydu. Xiyanet arqiliq bay bolghan kommunist hoquqwazliri, menpe'et igiliri uni xelqqe qayturup bermeydu. Xu jintawning 'teqsimatta adil bolush' siyasitining emeliylishishidin ümid yoq. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet