17 ‏- Қурултай уйғурлар үчүн қандақ яхшилиқ елип келиду?


2007-10-23
Share

Хитай коммунист партийисиниң 17 ‏- қурултейи10 ‏- айниң 22 ‏- күни радиомиз мухбири лин диниң бейҗиңдин хәвәр қилишичә, 17‏- қурултай йәкшәнбә күни аяғлашқандин кейинла, дүшәнбә күни ечилған 1 ‏- омумйиғинда, ху җинтав мәркизи комитетниң 9 нәпәр даимий әзасини сәһнигә чиқирип уларни хәлққә көрсәткән.

"Хитайда әмәл-мәнсәп дегәнни пулға сатиду"

Бейҗиңдики бүйүк хәлқ сарийиниң әтрапини сақчилар қаплап кәткән. Тйәнәнмен мәйдани әтрапида адәмләр шалаң, муһит вәһимилик. Куча аптобослиридиму сақчилар хәлқни көзәтмәктә. Қурултайни алқишлайдиған авазлар телевизорлардила бар. Сақчилар тйәнәнмен мәйданидин өткәндин кейин аптобуслардин чүшүп кетиду.

Мухбиримиз бир ашханида олтурған кишиләр билән сөзләшкәндә, җаңҗакудин кәлгән бир бовай " бейҗиңдики адәмләргә қариса, уларниң адәм сияқи бар икән, лекин биз тәрәптә сапла булаңчи, кучиларда сапла булаңчи, аяллар кучиларда сомка тутуп маңалмайду, сомка тутуп маңсила булаңчилар булап кетиду. Һазир әмәл -мәнсәп дегәнни полға сатиду, башқарма дәриҗилик әмәлниң баһаси 150 миң, бундақ әмәлни сетивалған киши, сәрп қилған пулни бир йилдила тепивалиду" дегән.

"Әһвални уқмаймиз "

Мәркизи һәрбий комитет меһманханисиниң бир хизмәтчиси мухбиримизниң зияритини қобул қилип, 17 ‏- қурултай һәққидә тохталғанда " қурултайни һәммә киши яхши болди дейишидиғу ? биз телевизор көрмидуқ. Әһвални уқмаймиз" дәп җаваб бәргән.

Хоңкоңдики 'венхуйбав', 'дагоңбав' дегән гезитләр коммунист партийиниң өзиниң гезитлири

Хоңкоңда чиқидиған шәпә журнилиниң муһәррири җин җуң әпәндиниң баян қилишичә, чоң қуруқлуқта хоңкоңдики 'венхуйбав', 'дагоңбав' дегән гезитләрни хоңкоң хәлқниң авази дәп дәвапту, әмәлийәттә бу гезитләр коммунист партийиниң өзиниң гезитлири, униңда дейилгән гәпләр хоңкоң хәлқниң авази әмәс, униң хоңкоң хәлқигә вәкиллик қилиш һоқуқи йоқ.

Америкидики вә тәйвәндики сайламларда намзатлар өзиниң хәлққә немә иш қилип беридиғанлиқи һәққидә тәпсилий вәдә бериду. Хәлқ шуниңға қарап сайлаш яки сайлимаслиқни бәлгиләйду. Хитайда ундақ әмәс, хитайда сайлам йоқ. 'Сайланди' дегән кишиләрни улар өзлири алдин бәлгиливалған.

Ху җинтав 62 қетим тилға алған 'демократийә' әмәлийәттә дуняниң чүшәнчисидики демократийә әмәс

Америкидики ғәрб университетиниң профессори яң лийи әпәндиниң баян қилишичә, ху җинтав 17 ‏- қурултайда қилған сөзидә, дуняниң бесимиға тақабил туруш үчүн 'демократийә' дегән аталғуни 62 қетим тилға алди. Әмма у дегән 'демократийә' пүтүн дуняда дейиливатқан демократийә әмәс, у йәнила коммунист партийиниң мустәбитлики, хәлқ сайлам өткүзидиған демократийә әмәс.

17 ‏- Қурултай уйғур хәлқигә яхшилиқ елип кәлмәйду

яврупада чиқидиған ғәрб шамили журнилиниң тәһрири абдирешит һаҗи керими әпәнди өзиниң 17 ‏- қурултай һәққидики көз қарашлирини оттуриға қойди. Униң қаришичә, 17 ‏- қурултай уйғур хәлқигә яхшилиқ елип кәлмәйду.

Абдурешит һаҗи керими әпәнди исмаил тиливалди, абләт абдурешит, нур бәкриләрниң хитай мәркизи комитет әзаси болғанлиқи һәққидиму тохталди. Униң қаришичә, бу кишиләр уйғурларға вәкиллик қилидиған адәмләр әмәс. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт