5 - Féwral qehrimanliri menggü qelbimizde (1)


2008-02-04
Share

"Yil :1997, kun :5 - féwral küni, ili deryasi yene bir qétim dolqunlidi. U bu qétimqi dolqunlishi bilen özining shash we erke tebi'itini etrapidiki insanlargha yene bir ret namayen qildi."

Yuqiridiki qurlar, 5 - féwral ghulja weqesi heqqide élan qilin'ghan bir parche maqalidin üzündidur. Maqalining aptori gülshen abduqadir, hazir kanadada yashawatqan aptor 5 - féwral weqesining shahidlirining biri, u eyni chaghdiki muxbirliq xizmiti jeryanida körgen ‏ - anglighanlirigha asasen bu weqe heqqide melumat béridu.

Abduxélil abdumijit bashchiliqidiki wetenperwer yashlarning ghulja yashlirini xiro'indin ibaret zeherlik chékimlik qirghinchiliqidin qutquzush herikiti, xitay hökümitining ditigha yaqmidi, ularning meshrep uyushturup, milliy we diniy kimlikini k'üchlend'ürüsh pa'aliyiti xitay da'irilirining aramini buzdi, ularning putbol komandisi teshkillep, tenterbiye bilen shughullinishi, xitay da'irilirining jem'iyet tertipi ölchimige chüshmidi؛ shuning bilen so'al - soraqlar bashlandi, tutqun qilishlar terep - terepte ewj aldi. Netijide, 5 - féwral küni birqanche yüzligen yash allah bir shu'ari bilen ghulja kochilirini lerzige keltürdi. Ularning telipi erkinlik idi, heqqaniyet idi, insaniy heq - hoquq idi. Emma ularning telipi qobul qilinmidi, qobul qilinmidila emes, heq - hoquq telep qilghini uchun basturuldi.

Weqedin kéyin, 5 - féwral qehrimanliri türküm - türkümlep ölümge buyruldi, qehrimanlar hayatining eng axirqi deqiqiliridimu ghulja xelqining qelbide öchmes tesiratlarni qaldurup ketti, ular, jaza meydanigha élip méngilghanda yurt - jama'et bilen kulup turup widalashti, qaldurghan xetliridimu, "pushayminimiz yoq, biz uchun yighlimanglar," dep wesiyet qaldurdi.

Xitay da'iriliri, 5 - féwral herikitining yol bashchiliri dep qarighan, abduxélil abdumijit bilen abdusalam ablikimni türmidila qetli qildi.

Ular qehrimanlarni qetli qilip bolupmu xatirjem bolalmidi, ularning ölüm murasimini un - tinsiz bir weziyette, qedirsiz bir shekilde bir terep qilmaqchi boldi, emma ghulja xelqi buninggha yol qoymidi, abdusalamning ölüm murasimige 10 mingdin artuq kishi qétildi, jesetni saqchi mashinisida yötkeshni ret qilghan jama'et, jinazini dolisida kötürüp mangdi, yol boyi tekbir éytip, qehrimanlirigha hörmitini ipadilidi. 5 ‏ - Féwral weqesige qatnashqan bir Uyghur abdusalam ablikimning ölum murasimi we sebdashliri heqqide eslime béridu. (Dawami bar, shöhret hoshur)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet