Uyghur élide 50 yil mabeynide yüz bergen eng chong özgirish néme?(1)


2005-06-28
Share

Uyghur aptonom rayoni hökümet toridin melum bolushiche, nöwette Uyghur aptonom rayonluq partkom hem hökümet da'irilirining, aptonom rayon qurulghanliqining 50 yilliqini tebriklesh hazirliqliri axirqi basquchqa kelgen bolup, hökümet tebriklesh pa'aliyiti üchün, ikki yil ilgiri mexsus teyyarliq komitéti qurghan.

Tebrikleshning aldidiki "tazilash "

Bu komitétining mudirliqini üstige alghan Uyghur aptonum rayonining re'isi ismayil tiliwaldi yéqinda aptonom rayoni qurulghanliqining 50 yilliqini tebriklesh pa'aliyitige teyyarliq qilish seperwerlik yighini chaqirghan. U yighinda "shinjang Uyghur aptonom rayoni qurulghanliqining 50 yilliqini tebriklesh, aptonum rayonidiki her millet xelqining siyasi hayatidiki zor weqe shundaqla zor siyasi chongqur ijtima'iy ehmiyetke ige" dep körsitip, tebriklesh pa'aliyitige mes'ul da'irilerdin bu tebriklesh pa'aliyitini saq -salamet ötküzüsh üchün jem'iyetni tüzesh hem tertipke sélish xizmetlirini kücheytishni telep qilghan.

Uning aldida, yeni 18 - mayda Uyghur aptonom rayonluq jama'et xewpsizlik nazariti her qaysi derijilik jama'et xewpsizlik tarmaqlirigha uqturush chüshürüp, aptonom rayoni qurulghanliqining 50 yilliqini tebrikleshning aldi -keynide, aptonom rayon boyiche her xil jinayi heriketlerge qarshi, tazilash élip bérishni orunlashturghan idi.

Emma chet'ellerdiki Uyghur teshkilatliri xitay hökümitining Uyghur aptonom rayoni qurulghanliqining 50 yilliqini tebriklesh harpisidiki bu atalmish tüzesh, qattiq zerbe bérish herikiti Uyghurlarni tizginlesh hem basturush herkitining bishariti dep qarimaqta.

Xitay hökümet da'iriliri, 10 - ayning 1 - künini asas qilip ötküzmekchi bolghan Uyghur aptonom rayoni qurulghanliqining 50 yilliqini, Uyghur éli xelqige 10 chong emeliy ish qilip bérish arqiliq, ehmiyetlik kütüwalidighanliqini bildürgen idi. Hökümetning nöwettiki teyyarliq ishlirigha qarighanda, ular yene siyasiy, ijtima'iy teshwiqat pa'aliyetliri üchünmu nurghun küch hem meblegh ajratqan.

Teyyarliq komitétidiki xadim bilen söhbet

Biz Uyghur aptonom rayonluq hökümet tesis qilghan, Uyghur aptonum rayoni qurulghanliqining 50 yilliqini tebriklesh xizmiti teyyarliq ishxanisigha téléfon qilip, ularni tebriklesh pa'aliyetliri hemde uning ehmiyiti qatarliq mezmunlarda ziyaret qilduq. Né famililik bir hökümet xadimi so'allirimizgha jawab berdi:

- Yaxshimu siz, men erkin asiya radi'osining muxbiri, nöwettte 50 yilliq tebriklesh pa'aliyitige jiddiy teyyarliq köriwitipsiler. Bu pa'aliyetning eng asasliq mezmuni néme?

- Uyghur aptonom rayoni qurulghanliqining 50 yilliqi, shinjang xelqining siyasiy ijtima'iy hayatidiki chong ish, muhim ehmiyetke ige. Biz bir qatar tebriklesh pa'aliyitidin bashqa, mushu pursettin paydilinip shinjang xelqige eng jiddiy hel qilip bérishke tégishlik bolghan, ma'arip, iqtisad, sehiye, su we tok qatarliq on chong mesililirini hel qilip bermekchi. Bu xizmetning bezi bir qismi bashlandi, yene uzun muddet dawamlishidu.

- Sizningche Uyghur élide 50 yil mabeynide yüz bergen eng chong özgirish néme?

- Elwette, iqtisadiy tereqqiyat. Bu ellik yilda shinjang uchqandek tereqqiy qilip, xelq turmushida asman- zémin perqler meydan'gha keldi. Buni shinjanggha kelsenglar bilisiler. Buningda merkezning gherbni échish istratégiyisining zor türtkisi boldi. Xelqning iqtisadi tereqqiy qilghandila andin xatirjem bolidu emesmu, shunga iqtisadni tereqqiy qildurushqa zor ehmiyet bérip kelduq.

- Bilishimizche partiye - hökümet Uyghur élini bashqurush siyasitide, muqimliqni asas qildi ?Uyghur élining tereqqiy qilishida muqimliq asasmu yaki iqtisadmu?

- Elwette, muqimliq hemmini bésip chüshidu. Muqimliq bolmisa, tereqqiyatmu ishqa ashmaydu. Künde miltiq kötürüp yürsek qandaqmu iqtisadni tereqqiy qilduralaymiz? muqimliq bolghanda, iqtisad yaxshilan'ghanda andin xatirjemlik ishqa ashidu. Muqimliqni saqlash hemmini bésip chüshidighan muhim ish. Tereqqiyat bilen muqimliq bir birige zich munasiwetlik.

- Sizningche Uyghur élining muqimsizliqini keltürüp chiqiriwatqan asasliq seweb néme?

- Muqimsizliqni yoq dégili bolmaydu. Chong tereptin éytsaq, dunyada her qanda q jayda muqimsizliq barghu ? xitay ölkiliridimu jem'iyette her türlük jinayi heriketler bolup turidu, emma shinjangda yüz bergen muqimsizliq heriketlirini chet'ellerdiki bölgünchi küchlerning tesir küchidin ayrip qarimaymiz. Muqimliqni ishqa ashurush üchün, yenila uzun muddet küresh qilishqa toghra kélidu.

Gerche xitay hökümiti, Uyghur aptonom rayoni qurulghandin buyan Uyghur éli xelqining ijtima'iy, iqtisadiy, siyasiy hayatida zor yüksilishler boldi, iqtisadning uchqandek tereqqiy qilishi 50 yil mabeynidiki chong netije dep körsetsimu, emma chet'ellerdiki Uyghur teshkilatliri "1955 - yili öktebirde sherqiy türkistan, Uyghur aptonum rayoni qilip qurulghandin buyan, Uyghur xelqi siyasiy, iqtisadiy hoquq - menpe'etliridin mehrum qaldi. Musteqilliqini yoqatqandin sirt, eqelliy aptonomiye hoquqighimu heqiqiy ige bolalmidi. Uyghur élidiki eng chong özgürish xitay aqqunlirining shiddet bilen köpiyishi, atalmish tereqqiyattin behriman bolghanlar xitay köchmenliridur" dégen naraziliq pikirlerde bolup kelmekte.

Bu munasiwet bilen dunya Uyghur qurultiyining mezkur mesilige bolghan meydani heqqide ziyaretler élip barduq. Buninggha da'ir mezmunlarni etiki programmimizdin anglighaysiler.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet