Ло гән ғулҗиға кәлгәндә қораллиқ сақчиларға тиз сүрәт билән сотсиялизим қуруш" ни тәкитлигән


2005-09-26
Share

Һазир уйғур аптоном районида аптоном райони қурулғанлиқиниң 50 йиллиқини тәбрикләш дегән намида һәрхил шәкилдә қарши елиш, нутуқ сөзләш паалийәтлири елип бериливатқан болуп, хитай һөкүмити миллий ишлар сестимисидин тәшкилләнгән вәкилләр өмики тәшкилләп, униңға мәркизий комитет сиясий қанун комитетиниң башлиқи, мәхсус "қаттиқ зәрбә бериш" дәп атилидиған пәвқуладдә сиясәт йүргүзүш билән шуғуллинидиған, шинҗаң парткомниң башлиқи ваң лечуәнниң йеқин юртдиши логәнни башлиқ қилип уйғур елигә әвәткән.

Ло гән вәкилләр өмикини башлап алди билән уйғурларниң хитай коммунист һөкүмитигә наразилиқ билдүргән һәрикәтлири қаттиқ бастурулуп келиватқан ғулҗа шәһиригә берип, у җайдики қораллиқ сақчи қисимлирини йоқлиған вә нутуқ сөзләп " пәқәт вәтәнниң бирликини қоғдап, бөлгүнчиликкә қарши турғандила, андин сотсиялизмни тиз тәрәққи қилдурғили болиду вә или областиниң мәңгу турақлиқ болушини капаләтләндүргили болиду" дегән.

Бу мунасивәт билән мухбиримиз вәли дуня уйғур қурултийи баянатчиси дилшат решит әпәндини зиярәт қилди. Дилшат ришит хитай коммунист партийә мәркизий комитети сиясий қанун комитетиниң секритари логәнниң уйғур аптоном райони қурулғанлиқиниң 50 йиллиқи мунасивити билән кәлгәнлики вә қораллиқ қисимларға "сотсиялизмни тиз тәрәққи қилдурушни" алаһидә тәкитлигәнликини , хитай коммунист партийисиниң буниңдин кейин уйғурларға қарита техиму қаттиқ бастуруш сиясити қоллинидиғанлиқидин дерәк бериду дәп қарайдиғанлиқини билдүрди .

Бу һәқтики тәпсили мәлуматларни, мухбиримиз вәлиниң мәхсус программисидин аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт