Lo gen ghuljigha kelgende qoralliq saqchilargha tiz sür'et bilen sotsiyalizim qurush" ni tekitligen


2005-09-26
Share

Hazir Uyghur aptonom rayonida aptonom rayoni qurulghanliqining 50 yilliqini tebriklesh dégen namida herxil shekilde qarshi élish, nutuq sözlesh pa'aliyetliri élip bériliwatqan bolup, xitay hökümiti milliy ishlar séstimisidin teshkillen'gen wekiller ömiki teshkillep, uninggha merkiziy komitét siyasiy qanun komitétining bashliqi, mexsus "qattiq zerbe bérish" dep atilidighan pewqul'adde siyaset yürgüzüsh bilen shughullinidighan, shinjang partkomning bashliqi wang léchu'enning yéqin yurtdishi logenni bashliq qilip Uyghur élige ewetken.

Lo gen wekiller ömikini bashlap aldi bilen Uyghurlarning xitay kommunist hökümitige naraziliq bildürgen heriketliri qattiq basturulup kéliwatqan ghulja shehirige bérip, u jaydiki qoralliq saqchi qisimlirini yoqlighan we nutuq sözlep " peqet wetenning birlikini qoghdap, bölgünchilikke qarshi turghandila, andin sotsiyalizmni tiz tereqqi qildurghili bolidu we ili oblastining menggu turaqliq bolushini kapaletlendürgili bolidu" dégen.

Bu munasiwet bilen muxbirimiz weli dunya Uyghur qurultiyi bayanatchisi dilshat réshit ependini ziyaret qildi. Dilshat rishit xitay kommunist partiye merkiziy komitéti siyasiy qanun komitétining sékritari logenning Uyghur aptonom rayoni qurulghanliqining 50 yilliqi munasiwiti bilen kelgenliki we qoralliq qisimlargha "sotsiyalizmni tiz tereqqi qildurushni" alahide tekitligenlikini , xitay kommunist partiyisining buningdin kéyin Uyghurlargha qarita téximu qattiq basturush siyasiti qollinidighanliqidin dérek béridu dep qaraydighanliqini bildürdi .

Bu heqtiki tepsili melumatlarni, muxbirimiz welining mexsus programmisidin anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet