Shimaliy koriye yadro qorallardin waz kéchishtiki aldinqi shertini otturigha qoydi


2005.07.27
CHINA_NKOREA_US_NUCLEAR_21.jpg
Shimaliy koriye wekili mu'awin tashqi ishlar ministiri ki kyé gwan béyjingdiki dyawyütey méhmanxanisida. AFP

6 Dölet söhbitning 2 - küni shimaliy koriyini yadro qorallar pilanidin waz kechürüsh mesiliside washin'gton bilen pyongyang otturisidiki ixtilap yenila éghir bolup, béyjingdiki diplomatik emeldarlar, washin'gton bilen pyongyang otturisidiki ixtilaplarning biri, qaysi terepning aldi bilen yol qoyush mesilisi shundaqla yol qoyush tertipige merkezleshkenlikini bildürdi.

Amérika söhbet wekili kristofir xillning tekitlishiche, shimaliy koriye teklip lahiyilirining tertipige ehmiyet bermektiken. Kristorfir xill, "ular ezeldin mejburiyetni bashqilardin burun üstige élishni xalimaydu," dep körsetti.

Éghir shert

Söhbetning 2 - küni shimaliy koriye bir qanche türlük teleplerni otturigha qoydi. Bu telepler amérikining koriye yérim arilidiki yadro qorallirini élip chiqip kétish, shimaliy koriye bilen munaswitini normallashturush shundaqla sherqiy asiyadiki axirqi stalinizimche döletke bixeterlik kapaliti bérish qatarliqlarni öz ichige alghan.

Shimaliy koriye wekili kim kyi - gwanning yighinda tekitlishiche, amérika mushu shertlerni qandurghandila shimaliy koriye yadro qorallar tereqqiyat pilanidin waz kéchidiken. Emma jenubiy koriye bilen amérika, jenubiy koriye zéminigha yadro qorallar orunlashturghanliqini ret qildi. Jenubiy koriye söhbet wekili song min - sun, shimaliy koriyining telipi " buningdin kéyinki söhbet jeryanida aydinglashturulidiken".

Charshenbe künki yighinda shimaliy koriye amérikining 2004 - yili 6 - aydiki yighinda otturigha qoyghan pilanini amérikining yadro tehditige xatime bérelmeydu, dégen sewebler bilen ret qilghan.

Aldi bilen yadro qorallardin waz kéch hishi kérek

Amérika shimaliy koriyining yadro qorallardin üzül -késil we menggülik waz kéchishini telep qilmaqta. Amérika tashqi ishlar ministirliqining bayanatchisi makkormak, "shimaliy koriye amérika we bashqa döletler bilen her xil munasiwetler ornatsa bolidu, emma buningdin burun yadro qorallardin waz kéchishi kérek," dep eskertti.

Amérika emeldarlirining ashkarilishiche, washin'gton burunqi pilanida ching turmaqtiken. Kristofir xill charshenbe küni shimaliy koriyini yadro qorallardin waz kéchishke chaqirish bilen birge, tereplerni bashqurulidighan bomba we kishilik hoquq mesililiri boyiche sözlishishke ündigen. Kristofir xill, seyshenbe küni söhbet bashlan'ghanda söz qilip, amérikining shimaliy koriyige hujum qilish niyiti yoqliqini tekitligen idi. Makkormakning tekitlishiche, “ ilgirlesh asta bolsimu, emma yighinda terepler kéyinki nöwetlik söhbetning waqit - qereli békitelise buning özi bir ilgirlesh hésablinidiken.

Amérikining shimaliy koriyini yadro qorallardin qandaq waz kechürüsh pilani bilen pyongyangning bu mesilisidiki köz qarishi arisida zor ixtilap mewjut. Amérika emeldarlirining tekitlishiche, terepler söhbet jeryanida koriye yérim arilini yadrusizlashturushni qobul qilghan bolsimu, biraq shimaliy koriye yadro qorallardin waz kéchishni amérika - jenubiy koriye mudapi'e ittipaqigha baghlighan. Xitay bu qétimqi söhbetning sahipxani. Xitay söhbet wekili, mu'awin tashqi ishlar ministiri wu dawéy charshenbe küni tereplerge siyasi jasaret körsitip, pursetni ching tutush toghrisida nesihet berdi.(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.