Түркийидики уйғур аяллар 8 - март дуня ханим қизлар байримини тәбриклиди


2007.03.09

8 - Март дуня ханим қизлар байримини түркийидики уйғур аяллар һәрхил паалийәтләр билән тәбриклиди. Қәйсиридики уйғур аяллар қәйсиридики шәрқий түркистан мәдәнийәт вә һәмкарлиқ җәмийитигә топлинип бу күнни хатирләшти. Истанбулда яшайдиған уйғур ханим қизлар болса шәрқий түркистан вәхпигә җәм болуп 8-март аяллар байрими мунасивити билән йиғин ачти. Бу йиғинға истанбулдики уйғур ханим қизлар, түркийидә паалийәт елип бериватқан аяллар җәмийәтлириниң мәсуллири, аял язғучилар, зиялилар вә уйғур достлиридин болуп нурғунлиған киши қатнашти. Йиғинға шәрқий түркистан вәхпи аяллар бөлүминиң мәсули шаир нурәла гөктүрк ханим риясәтчилик қилди.

Йиғинда нурәла гөктүрк ханим шәрқий түркистандики ханим қизларниң бүгүнки вәзийити темисида, язғучи шаир ниһайәт ханим болса түрк дунясидики ханим қизларниң вәзийити, меһриниса қәшқәрли ханим болса тарихтин бүгүнгичә уйғур аял қәһриманлар вә шәрқий түркистандики ханим қизлар дучар боливатқан инсан һәқлири дәпсәндилири темисида сөз қилди. Йиғинда йәнә аяллар һәққидә шеирлар дикламатсийә қилинди.

Бу һәқтики тәпсили мәлуматларни түркийидики ихтияри мухбиримиз әркин таримдин аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.