Tarixtiki xitay sulalilirining armiyisidin hazirqi xitay tarixchiliri küchlük chiqiwatidu

• Muxbirimiz welining bu heqtiki toluq melumati
• Download story audio

Uyghur aptonom rayonluq hökümet tor bétide 5 ‏- ayning 14 ‏- küni bayan qilinishiche, xitay hökümiti yéqinda "shinjang omumiy tezkirisi. Siyasiy ishlar tepsirati. Hökümet qismi" ni resmiy neshr qildurup tarqatqan. Xewerde éytilishiche, bu tezkiride miladidin ilgiriki 60 ‏- yillarda xen sulalisi 'gherbiy yurt qoruqchibeg mehkimisi' tesis qilghandin tartip 1995 ‏- yilighiche bolghan ikki ming yildin artuq waqit ichide, xitayning merkizi hökümiti hazirqi Uyghur aptonom rayonini izchil idare qilip kéliwatqanliqi bayan qilin'ghan.

Xitay hökümiti neshr qildurghan bu "shinjang omumiy tezkirisi" dep atalghan chong hejimlik bir yürüsh tarixiy kitab mexsus saheler buyiche yézip chiqilghan 79 parche tezkire we 102 parche oblast, wilayet, nahiye tezkirilirini öz ichige alidiken. Xitay hökümiti yigirme yil waqit serp qilip yazdurup chiqqan bu "shinjang omumiy tezkirisi" dep atalghan chong hejimlik bir yürüsh tarixiy kitablarni qaytidin tekshürüp -békitish ishi 2007 ‏- yili ichide tamamlinidiken.

Ikki ming yilliq tarix jeryanida Uyghurlar özige xoja bolghan dewrler mutleq köp sanni teshkil qilidu

Xitay hökümiti neshr qildurghan bu "shinjang omumiy tezkirisi" dep atalghan chong hejimlik bir yürüsh tarixiy kitab heqqide, tarixshunas doktor qahar barat ziyaritimizni qobul qilip mulahize élan qildi. Qahar baratning qarishiche, emeliy pakitlargha asaslan'ghanda, ikki ming yilliq tarix jeryanida Uyghurlar özige xoja bolghan dewrler mutleq köp sanni teshkil qilidu.

Xitay hökümiti burunqi xitay sulaliliri bashqa ellerge tajawuz qilghan tarixni tenqidlishi kérek idi

Tarixshunas doktor qahar baratning qarishiche, xitay eger démokratik hakimiyet bolsa, burunqi xitay sulaliliri bashqa ellerge tajawuz qilghan tarixni tenqidlishi kérek iken.

Tarixtiki xitay sulalilirining armiyisidin hazirqi xitay tarixchiliri küchlük chiqiwatidu

Amérikidiki jorjitawn uniwérsitétining ijtima'iy- tarix penliri proféssori jaymis milward ependimu "yawro-asiyaliqlarning daghdam yolliri" namliq kitabining bash qismida 'shinjang ezeldin junggoning bir qismi' déyilgen köz qarashni ret qilip "bu mesilide, tarixtiki xitay sulalilirining armiyisidin hazirqi xitay tarixchiliri küchlük chiqiwatidu" dep teswirligen. (Weli)