ئالماتادىكى فرانسىيە ئەلچىخانىسىدا رەسسام ئابدۇكېرىم ئايسانىڭ رەسىم كۆرگەزمىسى ئېچىلدى


2005.11.15
Share on WhatsApp
Share on WhatsApp

4- نويابىر كۈنى قازاقىستاننىڭ ئالماتا شەھىرىدىكى فرانسىيە ئەلچىخانىسىدا ئۇيغۇر رەسسامى ئابدۇكېرىم ئەيسانىڭ «يولۋاس يولى» ناملىق ماي بوياق رەسىملەر كۆرگەزمىسى ئۆتكۈزۈلگەن بولۇپ، كۆرگەزمىگە رەسسامنىڭ 40 تىن ئارتۇق ماي بوياق ئەسىرى قويۇلغان.

رەسىم كۆرگەزمىسىنىڭ ئېچىلىش مۇراسىمىغا ھەرقايسى ئەلچىخانىلار ۋەكىللىرى، قازاقىستاننىڭ تەسۋىرى سەنئەت ماھىرلىرى، ئاتاقلىق كىشىلەر ۋە ئۇيغۇرلار بولۇپ كۆپ ساندا ئادەم قاتناشتى.

ئاتاقلىق ئۇيغۇر رەسسامى ئابدۇكېرىم ئەيسانىڭ ئەسىرى مۇشۇ يىل مارت ئېيىدا فرانسىيىنىڭ كان شەھىرىدە ئۆتكۈزۈلگەن رەسىم كۆرگەزمىسىدە "ئاق كۈمۈش رەڭدىكى يولۋاسلار قارا رەڭ ئىچىدە" ماۋزۇلۇق ئۈچ پارچە رەسىمىنى ئەۋەتكەنىدى. 32 دۆلەتتىن تاللانغان 200 دەك ئاتاقلىق رەسسامنىڭ 700 پارچە رەسىمى ئىچىدىن تالانلىق ئۇيغۇر رەسسامى ئابدۇرېھىم ئەيسانىڭ ئەسىرى مەخسۇس باھالىغۇچىلارنىڭ باھالىشى بىلەن بىردىن – بىر ئالتۇن مېدالغا ئېرىشكەن ئىدى.

بۇ ھەقتىكى تەپسىلى مەلۇماتلارنى قازاقىستاندىكى ئىختىيارى مۇخبىرىمىز ئابدۇللادىن ئاڭلاڭ.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.