Achchiqsudin zeherlinip ölgüchiler sanining éship kétishige weqeni yoshurush seweb bolghan

Zeherlinishni keltürüp chiqarghan achchiqsumu yaki achchiqsu qachilan'ghan bakmu? weqening mes'uliyiti zeherlik achchiq suni yasighuchidimu, satquchidimu yaki bashqurghuchidimu? weqe peqetla bir diqqetsizlik yaki mes'uliyetsizliktin kélip chiqtimu? yaki nawagh weqesidin kéyin milletler munasiwiti künséri yamanlishiwatqan xotende, bir qestlesh, öch élish herikiti yüz berdimu?
Muxbirimiz shöhret hoshur
2011.11.23

Mana bu so'allar nöwette xotendiki achchiqsudin zeherlinip ölgüchiler a'ile - tawabati we yéqinlirini bi'a'aram qi'iwatqan, emma jawabi tépilmaywatqan so'allardur. Nöwette melum bolghini peqet, achchiqsudin zeherlinish bayqalghan haman weqening axbaratqa ashkarilanmasliqi, sir tutulushi, netijide zeherlen'güchilerning doxturxanigha waqtida baralmasliqi seweblik weqede ölgüchiler sanining köpiyip kétishidur.

Melum bolushiche, shu küni zeherlinishtin ölgen tunji kishi kech sa'et 10 da jan üzgen. Doxturxana mes'ulliri yéza we nahiye mes'ullirigha ehwalni doklat qilip, ahalilerge derhal uqturush tarqitishni tewsiye qilghan bolsimu, yerlik da'iriler weqeni teshwiq qilishni toghra tapmighan. Netijide zeherlen'güchiler etisi etigen'ge qeder özlirining achchiqsudin zeherlen'genlikini bilelmigen we doxturxanigha kéchikip barghan.

Yerlik da'irilerning ashkarilishiche, weqe deslepte ahalilerdin yoshurulghan bolsa, kéyinki mezgilde weqening tereqqiyati we tepsilati yerlik da'irilerdinmu yoshurulghan. Weqege alaqidar barliq san - sépir, seweb - netijiler j x tarmaqliri we sehiye orunliri teripidin kontrol qilin'ghan.

Weqening tepsilatining sir tutulushi, tégishlik chüshendürüshlerning bérilmesliki, weqege alaqidar birer kishiningmu jawabkarliqqa tartilmasliqi nöwette amma ari'isida türlük guman we naraziliq peyda qilmaqta.

Hörmetlik radi'o anglighuchilar, yuqirida ramizan mezgilide xotende yüz bergen, achchiqsudin zeherlinish weqesige a'it bir qisim uchur we inkaslarni diqqitinglargha sunduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.