Gu'antanamodiki ikki Uyghurning üchünchi qétimliq soti échildi

• Muxbirimiz qanatning bu heqtiki melumati
• Download story audio

Gu'antanamota tutup turuliwatqan Uyghurlarning biri - adil hékim. Yéqinda amérikilik adwokat sabin willet ependi ababekri qasim we adil hékimning adwokatliqini üstige élip, ularning baldurraq türmidin chiqishi üchün heriket qilmaqta.Resimni adilning adwokati sabin willet ependi teminligen.

Gu'antanamoda tutup turuluwatqan Uyghurlarning mesilsi pütün dunyadiki Uyghurlar köngül bölüwatqan mesile. Düshenbe küni amérikining paytexti washin'gton ötküzülgen adil ablikim we ababekri qasim isimlik gu'antanamoda tutup turuluwatqan ikki Uyghur yashning sot mehkimiside Uyghurlarning bu mesilige qanchilik köngül bölüwatqanliqi ochuq ipadilendi.

Sotqa, ataqliq Uyghur kishilik hoquq pa'aliyetchisi rabiye qadirmu qatnashti. U sottin kéyin muxbirlargha bergen bayanatida, eger gu'antanamoda tutup turuluwatqan Uyghurlar qoyup bérilse, Uyghur jama'iti bilen birlikte ularning pütün turmushigha kapaletlik qilidighanliqini bildürdi.

Düshenbe künidiki sot mehkimisi adil ablikim we ababekri qasimning washin'gtonda ötküzülgen üchinchi qétimliq soti idi. Sotta, öz xirajiti bilen adil ablikim we ababekri qasim qatarliq gu'antanamoda tutup turuluwatqan bir qisim Uyghurlarning adwukatliqini üstige alghan sebin walit, adil bilen ababekrini gu'antanamodin washin'gton'gha élip kélish telipini otturigha qoydi hemde mesilisi bir terep bolghan'gha qeder ularning washin'gton etrapida yashaydighan Uyghur jama'itining ichide turushigha ruxset bérilishini telep qildi.

Adwukat sebin walit, sotta yene gu'antanamoda tutup turuluwatqan Uyghurlar qoyup bérilse, washin'gton etrapida yashawatqan Uyghurlarning ulargha ige chiqishqa teyyar ikenlikini tekitlep, washin'gton'gha yéqin jayda yashaydighan perhat yasin isimlik Uyghurni sotqa tonushturup, uning adil bilen ababekrining pütün chiqimlirini öz üstige ilishqa teyyar'ikenlikini bildürdi.

Bash sotchi robirtson, adil we ababakrining adwokati sebin walitning, ularni washn'gton'gha élish kélip sotqa qatnashturush mesilisi bir terep bolghan'gha qeder washin'gton etrapida yashawatqan Uyghurlar arisida turushigha ruxset bérish telipige 15 kün ichide jawap béridighanliqini bildürdi.

Bu heqtiki tepsili melumatlarni, muxbirimiz qanatning mexsus programmisidin anglang.