يېقىندا ئافغانىستان پارلامېنتى ئۆتكەن 25 يىل ئىچىدە ئافغانىستاندا يۈز بەرگەن توقۇنۇشلارغا قاتناشقان ۋە بۇ توقۇنۇشلاردا ئاكتىپ رول ئوينىغان پۈتۈن كىشىلەرنىڭ قىلمىشلىرىنى كەچۈرۈم قىلىدىغان بىر قانۇن لايىھىسىنى قوبۇل قىلدى. بۇ كەچۈرۈم قانۇنى تالىبانلارنىڭ رەھبىرى موللا ئۆمەر قاتارلىق رەھبەرلەرنىڭ قىلمىشلىرىنىمۇ كەچۈرۈم قىلىشنى ئۆز ئىچىگە ئالىدىكەن.
خەلقئارا كەچۈرۈم تەشكىلاتى قاتارلىق خەلقئارا كىشىلىك ھوقۇق تەشكىلاتلىرى ئافغانىستان پارلامېنتى تەرىپىدىن قوبۇل قىلىنغان مەزكۇر قانۇن لايىھىسىنى تەنقىد قىلىپ، ئافغانىستان پارلامىنتىنىڭ بۇ كەچۈرۈم قانۇنى ئۇرۇش جىنايىتى ئۆتكۈزگەن كىشىلەرنىڭ قىلمىشلىرىنىمۇ كەچۈرۈم قىلماقتا، دەپ كۆرسەتتى.
ئافغانىستان پارلامېنتى نېمە ئۈچۈن بۇنداق بىر قانۇن قوبۇل قىلىشنى قارار قىلدى؟ ئافغانىستان تەرىپىدىن قوبۇل قىلىنغان بۇ قانۇن غەرب دۆلەتلىرى بىلەن ئافغانىستان ئوتتۇرىسىدا بىر ئىختىلاپنىڭ چىقىشىغا سەۋەب بولامدۇ ؟
مۇخبىرىمىز ئۆمەر قانات بۇ ھەقتە ئافغانىستان پارلامېنتى تەبئىي مەنبەلەر كومىتېتىنىڭ رەئىسى ۋە ئافغانىستان مىللىي ئىسلامىي ھەرىكەت پارتىيىسىنىڭ پارلامېنتتىكى ۋەكىلى فەيزۇللا زەكى بىلەن سۆھبەت ئۆتكۈزدى.