Aghu yézisining partkom sékrétari xen shyashéng déhqan ilyas abbasni urghan

Uyghur élining jenubiy wilayetliridiki xitay partkom sékrétarliri hoquq we imtiyazliridin paydilinip, yézilarni öz xahishi we özining xuy-peyli boyiche zorluq-zombuluq bilen idare qilmaqta.
Muxbirimiz shöhret hoshur
2011-01-13
Share
Abdurehim-Mollek-boway-Beijing-kowruk-astida-305 Süret, abduréhim bowayning béyjingdiki "erzdarlar" turidighan köwrük astida boshün tori muxbiri 18 - awghust tartqan süriti.
http://news.boxun.com Din élindi.

Biz aldinqi programmilirimizda, kucha nahiyining aghu yézisidiki 56 a'ililik déhqanning térilghu yerlirining tömür yol qurulushi seweblik tartiwélin'ghanliqi we dölet teripidin bérilgen yer tölem puliningmu yérimidin köp qismining da'iriler teripidin igiliwélin'ghanliqi, shundaqla bu a'ililer yuqirigha erz sun'ghanda yéza rehberliri teripidin tehditke uchrighanliqi heqqide xewer bergen iduq.

Muxbirimizning bügünki ehwal igilishiche, bu tehditler jeryanida yéziliq partkom sékrétari xen shyashéngning déhqan ilyas abbasni urghanliqini ashkarilandi. 

Itay hökümitining alaqidar höjjet we axbaratliridin melum bolushiche, nöwette Uyghur élining jenubiy wilayetliridiki yézilarning köpinchisining yéziliq partkom sékrétarliri xitay millitidin belgilinip kelmekte. Nopusi 100% dégüdek Uyghur bolghan bu yézilarning barliq memuriy we iqtisadiy hoquqi mezkur xitay partkom sékrétarlirining qoligha merkezleshken.

Radi'omizgha kelgen inkaslardin melum bolushiche, yézilardiki bu xitay partkom sékrétarliri hoquq we imtiyazliridin paydilinip, bu yézilarni qanun we belgilimiler boyiche emes, belki öz xahishi we özining xuy-peyli boyiche zorluq-zombuluq bilen idare qilmaqta. Birqanche ayning aldida aqsuning qizil déhqanchiliq meydanining partkom sékrétari xen jyaménning 84 yashliq abduréhim mollek akini köpchilikning aldida tillighanliqi we düshkeligenliki ashkarilan'ghan idi. Bügün ashkarilinishiche, kuchaning aghu yéziliq partkom sékrétari xen shyashéng, bu yézidiki déhqan ilyas abbasni urghan. Ilyas abbas xen shyashéngning özini urghanliqini ashkarilighan.

Biz bu weqe toghrisida yéza mes'ulliridin musa rahman we tursun muhemmedlerni ziyaret qilduq. Emma ular, sékrétar xen shyashéngning ilyas abbasni urghanliqini inkar qildi. Biraq, yézidiki kimlikini ashkarilashni xalimighan déhqanlar, yézidiki barliq chong kichik bashliqlarning, sékrétar xen shyashéngning qol -chomaqchiliri ikenlikini, uning herqandaq zorawanliqigha chapan yapidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet