Xitay hökümiti eydiz késilining aldini yéngi qanun chiqirish arqiliq alalamdu?

• Muxbirimiz méhribanning bu heqtiki melumati
• Download story audio

Xitay dölet kabénti yéqinda " eydiz késilining aldini élish nizamnamisi" élan qildi. Mezkur nizamnamigha win jyabaw qol qoyghan bolup. Uningda hökümetning eydiz késilining aldini élishtiki wezipisi we bimarlarning hoquqi heqqide éniq belgilimiler békitilgen.

Xitay sehiye ministirliqining yéqinda élan qilghan doklatidin melum bolushiche. Xitayda eydiz késili tüpeylidin ölüp kétiwatqanlar sani barghanséri köpiyip. Mezkur késel xitaydiki 5 chong yuqumluq késellikler arisida 3 ‏- orunda turidiken hemde ölüp kétish nisbiti b tipliq jiger késilidinmu yuqiri iken. Xitay sehiye ministirliqi teripidin bérilgen sanliq melumatta körsitilishiche. Hazir xitayda yuqumluq késellikler tüpeylidin ölgenler xitaydiki késel tüpeylidin ölüp kétish nisbitining 82 % ni igiligen. Eydiz késili bolsa memliket ichidiki ölüp kétish nisbiti eng yuqiri bolghan 3 chong késelning biri bolup hésablan'ghan.

Yéngiliq yoq

Gerche bu qétim xitay dölet kabénti élan qilghan nizamnamida " her qaysi ölke. Aptonom rayon we sheherlik hökümet. Sehiye orunliri mezkur nizamnamigha asasen özige mas kélidighan yéngi pilan tüzüp chiqishi kérek. Késelliklerning aldini élish we kontrol qilish organliri eydiz késilining peyda bolush we tarqilish ehwalini tekshürüshte alahide mes'uliyetchan bolushi kérek " dep körsitilgen bolsimu. Eydiz pa'aliyetchisi xu jya " bu qétimqi nizamnamigha héchqandaq alahide yéngi mezmun kirgüzülmigen. Mesilen. Eydiz bimarlirigha köngül bölüsh. Eydiz wirusi bilen yuqumlan'ghan ana - balini heqsiz dawalash. Dorini bikargha bérish qatarliq mezmunlar 2003 ‏- yilidiki nizamnamisidila otturigha qoyulghan " dep bildürdi.

Xitay dölet kabéntining eydiz késilining aldini élish heqqide yéngidin élan qilghan bu nizamnamisida mundaq belgilimiler otturigha qoyulghan: "herqandaq orun yaki shexisning eydiz bimarlirini kemsitishige yol qoyulmaydu ؛ qanun eydiz bimarliri we ularning a'ilidikisilerni her jehettin qoghdaydu. Eydiz bimarliri we ularning a'ile ezaliri meyli nikah ishida bolsun yaki mektepte oqush. Xizmetke chiqish. Doxturgha körinish qatarliq jehetlerde bolsun. Bashqilargha oxshash qanuniy hoquqqa ige bolushi kérek. Dawalash orunliri eydiz bimarliri üchün türlük mulazimet xizmetliride bolushi kérek. Eydiz bimarlirini kemsitish qilmishlirigha hergizmu yol qoymasliq kérek ".

Xitay hökümiti eydiz bimarlirini kemsitish idiyisini xelqning kallisigha singdürüwetken

Lékin eydiz pa'aliyetchisi xu jya ependi "eydiz bimarlirini kemsitish mesilisige kelsek. Xitay hökümiti özi eyiblik" dep tekitlep. Öz köz -qarashlirini mundaq bayan qildi:

"Xitay hökümitining 'eydiz bimarlirini kemsitishke yol qoymasliq kérek' dégini xuddi derwazigha qarimay harwa yasighandekla bir ish. Chünki, eydiz bimarlirini kemsitish idiyisini xitay hökümiti özi xelqning kallisigha singdürüwetken. Xitay hökümiti 80 - yillarning otturisida. Eydiz heqqide élip barghan heriketliride. Mezkur késelni ' kapitalizm dölitidiki chirik turmushning mehsulati. Yeni zeherlik chékimlik chekküchiler we oxshash jinsiy munasiwette bolghuchilar keltürüp chiqarghan meynet késel ' dep teshwiq qilghan. Shunga xitay puqralirida eydiz késilige nisbeten. Nahayiti küchlük bir xil yirginish peyda bolghan. Bu xil haletni del xitay hökümiti özi keltürüp chiqarghan. Emdi kélip quruqtin - quruq undaq kemsitmeslik kérek. Bundaq kemsitmeslik kérek " déginining héchqandaq ehmiyiti yoq. Eger rastla chare -tedbir qollinish oyi bolidiken. Aldi bilen özining eyni chaghda qilghan xata teshwiqatini boynigha élishi kérek hemde xitaydiki köp sandiki eydiz késilige giriptar bolup qalghuchilarning hökümetning sewenlikidin mezkur kiselni özige yuqturiwalghanliqigha. Yeni köp sandiki kishilerning mezkur kiselni qan bérish. Opiratsiye qilish qatarliq jeryanlarda yuqturuwalghanliqigha iqrar bolushi kérek. Peqet mushundaq qilghandila. Xelqning eydiz bimarlirigha bolghan kemsitishini yoqatqili bolatti. Lékin xitay hökümiti ta hazirgha qeder bu heqte öz xataliqini boynigha almay kelmekte. Chünki ular bundaq qilsa öz abroyining chüshüp kétidighanliqini obdan bilidu".

Xitay sehiye ministirliqi élan qilghan sanliq melumatta körsitilishiche. 2005 Yili xitayda eydiz kisili tüpeylidin ölgenler sani ilgiriki yilidin 80% köpeygen. Bir qisim sehiye tetqiqatchilirining bildürüshiche. Xitaydiki eydiz bimarlirining heqiqiy sani xitay hökümiti élan qilghan sandin nechche hesse artuq iken. (Méhriban)