Aka-uka dollarchilarning inisini qatil, akisini sotchilar aldighan

Aldinqi künidiki programmimizda, Uyghur tijaretchini öltürgen xitay qatilning türmidin qéchish weqesi heqqide toxtalghan iduq. Bügün mezkur déloning heq telep qismi heqqide toxtilimiz.
Muxbirimiz shöhret hoshur
2011.03.02
sot-mehkimisi-court-Beijing-305.jpg Béyjingdiki sot mehkimisi. 2006-Yili 31 awghust
AFP

Melum bolushiche, ürümchi ottura sot mehkimisining sotchiliri, dewagerge, eger qatildin heq telep qilsa, qatilning étilmaydighanliqini bildürgen. Buning bilen dewager heq telep qilishtin waz kéchip qoshlap ziyan tartqan. Sabiq adwokat bextiyar ependi bu heqte pikir bayan qilip, bu xil qosh ziyan'gha uchrash ehwalining Uyghur dewagerler arisida omumyüzlük mewjut ikenlikini bildürdi.

Qurban seypidin we memet seypidin, 1990-yillarning béshida ürümchidiki dollar bazirida tonulghan aka-uka tijaretchilerdin idi. 1994-Yili dongbéyliq bir xitay memet seypidinni, yalghandin dollar sétiwélish bahanisi bilen méhmanxanigha chaqirip pichaq tiqip öltürgen. Qatil sotlinishning aldida, sotchilar dewager qurban seypidin'ge qesten xata melumat bérip, uni qatildin heq telep qilishtin waz kechtürgen. Netijide ziyankeshlikke uchrighan a'ile qoshlap ziyan'gha uchrighan.

Ürümchidiki sotchilarning bu dégenliri toghrimu? rastinila jinayetchi tölem tölise uning jinayiti yenggillemdu? bu heqte sabiq adwokat bextiyar ependi mundaq deydu.

Mezkur déloda ziyankeshlikke uchrighan a'ile hem qatilning hem sotchining ziyankeshlikige uchrighan. Dewager qurban seypidinning 17 yilliq hayati aptonom rayonluq xelq hökümiti aldida erz sunush we naraziliq bildürüsh bilen ötken. Eyni yillarda jem'iyette qurban dollar dep tonulghan we tijarette téz ronaq tapqan bu kishi bügün, ürümchining tashbulaq dégen rayonida chéqilish aldidiki bir xarabe öyde kün kechürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.