Albaniyide yashawatqan adil shwétsiyige yitip keldi
2007.11.21
Gu'entanamo türmisidin qoyup bérilip albaniyige orunlashturulghan besh Uyghurning biri bolghan adil hakim yekshenbe yeni 18 - noyabir küni kechte shwétsiyige yitip keldi. Uni kütiwélish üchün ayrodromgha uning shiwétsiyide yashawatqan achisi kewser xanim a'ilisi, shiwétsiyide yashawatqan Uyghur jama'iti, gu'entanamo türmisidiki Uyghurlarning birdin bir adwokati bolghan sabin wélit, adilning shiwétsiyidiki adwokati stén ependi we shiwétsiye radi'o - téléwiziye muxbirliri chiqti.
Kewser xanim inisi adilni köz yéshi bilen kütüwaldi
Adilni kütiwélish jeryani shiwétsiye téléwiziyisi teripidin toluq sin'alghugha élindi. Inisi adilni töt közi bilen kütüwatqan kewser xanim ziyaritimni qobul qilip köngül sözlirini éytti.
Adilning amérikidin kelgen adwokati adilni kütüsh jeryanida ziyaritimni qobul qilghan bolsimu, emma adil kilidighan ayropilanning kéchikkenlikidin taqetsizlinip so'allirimgha qisqila jawab berdi. U mundaq deydu: " gu'antanamodiki Uyghurlarning ehwali siler kütkendek unche yaxshi emes. Bosh hökümiti gerche ularning amérikigha qarshi küch emeslikini élan qilghan bolsimu, lékin téximu köp xataliqlarning sadir bolushidin saqlinish üchün yenila éhtiyatchan mu'amilide boluwatidu. Kechürünglar, men silerning so'alinglargha etiki yighilishta jawab bersem, men hazir adilni kütiwélishim kérek."
Juliya xanim:"amérika bashqilarning bir - birini xorlishigha yol qoymaydu"
Düshenbe yeni 19 - noyabir küni kechte" shiwétsiye xélsinki insan heqliri komitéti"ning orunlashturushi bilen mexsus gu'antanamodiki Uyghurlarning teqdirige alaqidar ilmiy yighin bolup ötti. Yighin'gha shiwétsiyidiki herqaysi insan heqliri teshkilatlirining xadimliri, insan heqliri témisi buyiche uniwérsitétlarda oquwatqan oqughuchilar, muxbirlar we shiwétsiyide yashawatqan bir qisim Uyghurlar qatnashti.
Aldi bilen sözge chiqqan adwokat sabin wélit adilning we gu'antanamodiki Uyghurlarning hayati heqqide chüshenche berdi we amérika hökümitining ular üstide élip bériwatqan tirishchanliqlirini bayan qildi. Uningdin kéyin sözge chiqqan adil hakim özining hayat musapisi we hazirqi ehwali heqqide chüshenche berdi. Bulardin kéyin sözge chiqqan, "amérika insan heqlirini közitish teshkilati"din kelgen juliya xanim mundaq deydu: "amérikining prinsipi herqandaq bir insanning öz - özini xarlishigha we bashqilarning xarlishigha yol qoymasliq, alliqachan bashqilar teripidin xarlan'ghan we hayati tehditke uchrighan bir insan amérika tupriqigha dessigen iken, u héchqachan u yerge qayturulmaydu. Elwette Uyghurlar buning bir tipik misali."
Sözge chiqquchilarning nutuqliridin kéyin yighin qatnashchilirining gu'entanamo türmisi we Uyghurlar heqqide sorighan her xil so'allirigha jawab bérildi.
Yighindin kiyin adilning bildürüshche, uning bu qétim shwétsiyige kélishi peqet "shiwétsiye xélsinki insan heqliri komitéti"orunlashturghan insan heqliri yighini üchün iken. U shiwétsiye hökümiti teripidin peqet 4 künlük wizigha érishken bolup, waqti toshqanda qaytishi kérek iken. Emma adwokatlirining bildürüshiche, ular adilning shiwétsiyide yéngidin panahliq tilesh ishliri üstide izdiniwétiptu. (Yalqun)
Munasiwetlik maqalilar
- Uzundin buyan didarlishalmighan qérindashlar jem boldi
- Xelq'ara dini erkinlik komitéti axbarat élan qilip, xitay hökümitini qattiq eyiblidi
- B d t 2009 - yili xitayning kishilik hoquq xatirisini tekshüridu
- Dunya kishilik hoquq közitish teshkilati xitayda axbarat erkinliki izchil qamal qiliniwatqanliqini otturigha qoydi
- Mutexessis martin: xelqara térrorchiliqqa qarshi heriket siyasiy panahlan'ghuchilargha zerbe bérip qoymaqta
- Gu'antanamodiki Uyghurlar kanada metbu'atlirida
- Albaniyidiki besh neper Uyghur ereb téléwizorida
- Amérika gu'antanamoni taqashta nurghun qiyinchiliqlargha düch kelmekte
- Albaniyide yashawatqan Uyghurlarning hazirqi ehwali heqqide söhbet
- Mérkél xanim xitayni axbarat we söz-pikir erkinlikini qoyuwétishke qistidi
- An'géla mérkél: xitay oyunning xelq'ara qa'idisige boysunushi kérek
- Xitay démokratliri emdi chet'ellerde turup néme ish qilalaydu?
- Albaniyidiki Uyghurlarning arzu - armanliri