Америка билән германийә, оттуридики ихтилаплар бойичә чүшәнчә һасил қилди


2005-02-23
Share
bush-150.jpg
23-Феврал, америка президенти буш, германийә баш министири герхард шрөдир билән биллә

Америка президенти җорҗи буш явропадики сәпириниң 3 - күни германийини зиярәт қилип, баш министир герхард шрөдир билән ирақ уруши шундақла иран мәсилисини өз ичигә алған икки дөләт мәнпәәтигә алақидар хәлқара мәсилиләр бойичә ортақ чүшәнчә һасил қилди. Бирақ хитайға қаритилған қорал - ярақ имбаргосини сақлап қелиш мәсилисидә явропалиқларни қайил қилалмиған.

Иранниң ядро қораллириға егә болушиға йол қоюлмайду

ядро қораллар мәсилиси бойичә иранни агаһландурған президент буш билән германийә баш министири шрөдир, иранниң ядро қоралларға игә болушиға йол қоюлмайдиғанлиқини билдүрди. Бу президент бушниң ирақ уруши бағланған икки йилдин бери тунҗи қетим германийини зиярәт қилиши болуп һисаплиниду. Германийә буш һөкүмитиниң ирақни ишғал қилиш қарариға қарши чиққан. Америка президенти билән германийә баш министири, юқириқи сөзләрни чаршәнбә күни германийиниң мейниз шәһиридә учрашқандин кейин өткүзгән мухбирларни күтүвелиш йиғинида тәкитлиди.

Буш мундақ дәйду: " иран, бихәтәрлик вә тинчлиқ үчүн ядро қоралларға игә болмаслиқи керәк. Бу җәһәттә әнгилийә, франсийә, италийә, германийә вә америкилар ортақ пикиригә игә."

Иран, бихәтәрлик вә тинчлиқ үчүн ядро қоралларға игә болмаслиқи керәк. Бу җәһәттә әнгилийә, франсийә, италийә, германийә вә америкилар ортақ пикиригә игә." Мунасивәтлик мақалилар

Президент буш, хәлқара җәмийәт иранниң ядро қоралларни тәрәққий қилдурушиға болмайдиғанлиқини ортақ бир тил билән билдүрүшниң интайин муһимлиқини әскәртти. У мундақ дәйду:

" Биз достлиримиз билән моллиларниң ядро қораллардин ваз кечиши керәкликини чүшүнивелиши үчүн биргә һәрикәт қилимиз. Кишиләргә шу әскәртмәкчимәнки дипломатийимиз әмди башланди. Иран болса ирақ әмәс," дәп көрсәтти.

Шрөдир, иран мәсилисидә президент буш билән охшаш қарашқа игиликини билдүргән. У, " биз иранниң һәр қандақ типтики ядро қоралларни рәт қилиши керәкликигә қошулимиз," дәп көрсәтти.

< Америка амма һәр қандақ йолни синап көрүштин янмайду

Президент бушниң тәкитлишичә, хәлқара җәмийәт теһранни ядро қораллар пиланидин ваз кечишкә изчил түрдә үндәйдикән. Президент буш сәйшәнбә күни америкиниң иранға һуҗум қилиш нийити йоқлиқини, амма һәр қандақ йолни синап көрүштин янмайдиғанлиқини билдүргән иди. Буш, мухбирларни күтүвелиш йиғинида америка - германийә мунасвитиниң сағламлиқини әскәртти. У мундақ дәйду: " баш министир шрөдир билән өткүзгән сөһбитимдә ш а о ә т ниң муһимлиқини йәнә бир қетим муәййәнләштүрдуқ."

Шрөдир, мейнизда өткүзүлгән сөһбәтниң сәл алдида америка билән германийә оттурисидики ихтилапларниң өтмүшкә айланғанлиқини елан қилған. Президент бушниң явропадики зияритиниң мәқсиди ирақ уруши сәвәбидин бузулған явропа - америка мунасвитини әслигә кәлтүрүш болуп, имбарго мәсилиси зиярәт күнтәртипиниң бир қисимини игилиди.

Хитайға қаритилған қорал имбарго мәсили

Президент буш, брюселда америкиниң имбарго мәсилисидики әндишилирини тилға алған. Буш, америкиниң қорал - ярақ өтүнүп бериш шундақла хитайға техника експорт қилиш мәсилисигә көңүл бөлидиғанлиқини әскәртип, бу хитай билән тәйвән оттурисидики мунасивәтләр тәңпуңлиқини өзгәртиветиши мүмкин," дәп тәкилигән.

Франсийә президенти җак шрак, имбаргони бикар қилиш қарарини ақлап, у, қорал - ярақ имбаргоси тйәнәнмин вәқәсиниң мәһсули, дәп көрсәткән. Президент буш, явропа дөләтлири имбаргони бикар қилмақчи болса, алди билән америка дөләт мәҗлисини қайил қилишиға тоғра келидиғанлиқини билдүрди. Америка дөләт мәҗлисидики бәзи әзалар, явропа иттипақи имбаргони бикар қилса, өч елиш характирлик қанун чиқиридиғанлиқини агаһландурған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт