Призедент буш тексаста сәуди вәлиәһди билән сөһбәтләшти

Сәйшәнбә күни, америка президенти җорҗ в буш, өзиниң тексас шитатидики қоруқида сәуди әрәбистанниң вәлиәһди абдулла билән үч йилдин бери тунҗи қетим учришип, өз - ара сөһбәт елип барди.

Һазирчә, сөһбәт мәзмуни һәққидә ениқ мәлумат болмисиму, бирақ бу қетимқи учрушушниң алдида президент буш: " сәуди әрәбистанниң вәлиәһди нефит - газ баһасини контрол қилишта өлчәмлик сәвийини сақлап қалалайду" дегән қаришини оттуриға қойған иди.

Мөлчәрләшләргә қариғанда, икки тәрәпниң сөһбәт мәзмуни оттура шәрқниң тинчлиқи билән мунасивәтлик болуп, райондики қаршилиқ көрсәткүчи қораллиқ күчләрни бастуруш вә сәуди әрәбистанниң дуня сода тәшкилатиға кириш мәсилилирини өз ичигә алидикән.

Күзәткүчиләр: " президент буш бу қетимқи учришиш пурситини чиң тутуп, нефит баһасиниң пәвқуладдә өрләп кетиш мәсилисигә әстайидил муамилә қилиш керәк, бу нефит баһасини һәл қилиштики яхши бир пәйт һесаблиниду" дийишмәктә.

Бу арида, әнгилийә б б с радио - телевизийә истансиси бу һәқтә хәвәр берип, ташқи дуня абдулла билән бушниң бу қетим тексаста елип барған учришишини интайин сәзгүр болған бир қетимлиқ учришиш дәп қарайду, сәвәби үч йил бурун йүз бәргән 11 - сентәбир вәқәсини кәлтүрүп чиқарғанларниң көпинчиси сәуди әрәбистанлиқлар болуп, шундин бери америка билән сәудиниң мунасивити җиддийлик ичидә давамлишип келивататти дигәнгә охшаш мәсилләрни баян қилди.

Демәк, күзәткүчиләр буниңдин йәнә " юқирида тилға елинған мәсилини арқа көрүнүш қилған асаста, икки тәрәп рәһбәрлири, ортақ йосунда террорчилиққа қарши туруш һәмкарлиқини күчәйтишни шуниңдәк оттура шәрқ райониға демократийини тарқитишни әң асаслиқ сөһбәт темиси қилиши мумкин " дегән йәкүнни чиқарди.

Президент буш, абдулла билән учришиштин илгири, америка хәлқ нөвәттә әң көңүл бөлүватқан, болупму бушниң етибарини ашуридиған муһим мәсилләрдин бири болған нефит баһаси һәққидә мухбирларға сөз қилип: " сәуди әрәбистанниң рәһбири, нефит баһасини нормал сақлап турушниң һалқилиқ муһим мәсилә икәнликини билиду, шуңа мән абдулла билән бу мәсилә үстидә яхши музакирилишимән" дигән .

Өткән һәптә буш йәнә : " мениң қаришимчә, улар һечқачан нефит қудуқлирини колап қурутуп болмиди" дәп ашкара оттуриға қойған. Бу сөздин пәқәт сәудини мәһсулат ишләпчиқириш миқдарини ашурушқа көндүргәндила , нефит баһасиниң қиммитини чүшүргили болиду дегән қарашни көривалғили болидикән.

Бирақ, нефит мутәхәссислириниң қариши дәл буниң әксичә икән, улар сәуди әрәбистан үчүн елип ейтқанда, һазир улар әң көңүл бөлидиған муһим мәсилә пәләстин - исраилийә мәсилисиниң тинчлиқ билән һәл қилиниши болуп, сәуди әрәбистан мәзкур мәсилиниң тенч йол билән һәл қилиниши, пүткүл әрәп дунясиниң тинчлиқ пилани билән бивастә мунасивәтлик дәп һесаблайдикән.

Лекин, исраилийә ғәззә районидин чекинип чиқип кетиш сияситини йолға қоюшқан тәмшиливатқан бир муһим пәйттә, бәлки президент буш юқирида тәкитлиниватқан шәртләрни қобул қилмаслиқи мумкин икән .(Әқидә)