Amérika - teywen - xitay munasiwetliri heqqide mulahize

Süret, dr. Erkin ekremning muxbirimizning ziyaritini qobul qiliwatqan körünüshi.

Xitayning bezi mutexesisliri bolsa, xitayning emdi amérikigha "özini körsitip qoyidighan" waqtining kelgenlikini bildürgen.

Xitay tashqi ishlar ministirliqi bügün bayanat bérip, amérikining teywen'ge "wetenperwer - 3" ti'ipliq bashqurulidighan bombini sétip bérish qararini qattiq tenqid qildi. Ular xitayning teywen'ge tutqan bu pozitsiyining tewrenmes ikenlikini, amérikining bu herikitining ikki dölet munasiwitige éghir ziyan yetküzidighanliqini éyitti.

Bu heqte b b s ning xitay tilida élan qilghan xewerliridin melum bolushiche, xitayning bezi isitratégiye mutexesissliri amérikining bundaq qilishining axiri bérip amérikining özige ziyan élip kélidighanliqini ilgiri sürgen. Ular, xitay hökümitining amérikining bu qilghinini hergiz bundaqla ötküzüwetmeslik kéreklikini, teywen'ge qoral satqan shirketlerning xitaydiki bazirini buzghunchiliqqa uchritip, ularni iqtisadiy jehettin ziyan tatquzush kéreklikini éytsa, yene beziliri xitayning emdi amérikigha qarita nizam tüzeydighan waqti keldi, dégendek sözlerni qilghan.

Türkiyidiki isitratégiye mutexessisi erkin ekrem ependi bolsa, xitay mutexesssilirining bu sözlirining emeliyetke aylanmaydighanliqini, chünki bundaq qilghan teqdirde ziyanning chongini yenila xitayning tartidighanliqini éyitip, teywen mesilisining asan hel bolidighan mesile emeslikini bildürdi.

Yuqiridiki awaz ulinishidin, bu heqtiki melumatimizning tepsilatini anglaysiler.