Асия -тенч окян иқтисадий һәмкарлиқ тәшкилатиниң йиғини өткүзүлди


2004.11.19

Асия- тенч окян иқтисадий һәмкарлиқ тәшкилатиниң али дәриҗилик башлиқлири йиғини пәйшәнбә күни ахирлишиш алдида бирләшмә баянат елан қилған болуп, бу баянатта мундақ дәп тәкитләнгән” йиғинға қатнашқан һәр қайси иқтисадий қурулминиң ташқи ишлар министирлири, ортақ йосунда асия - тенч окян районидики нуқтилиқ дөләтләр дуч келиватқан риқабәткә тақабил туруши керәк, һәр қайси иқтисадий қурулмиға мәсул рәһбәрләр заманивилашқан бир сода түзүмини бәрпа қилиш үчүн тиришчанлиқ көрситиши керәк.

Йиғинда йәнә, әркин сода сестимисини илгири сүрүш, хәлқниң турмуш сәвйисини өстүрүш вә асия - тенч окян иқсадий гәвдисиниң муһимлиқини ишқа ашуруш тәкитләнгән, бирләшмә баянатта йәнә, чирикликниң асия- тенч окян иқсадий тәрәққияти үчүн әң чоң тәһдит икәнлики, чиркликниң алдини елиш чиркликкә зәрбә беришниң районниң иқсадий тәрәққияти вә ронақ тепиши үчүн интайин муһим икәнлики алаһидә оттурға қоюлған.

Йиғинда йәнә, террорчилиққа зәрбә бериш вә инсанийәт дунясиниң бихәтәрликигә капаләтлик қилиш үчүн һәмдә районниң бихәтәрлики вә тәрәққиятини қолға кәлтүрүш үчүн чоқум бирләшкән дөләтләр тәшкилатиниң қануний, хәлқара қанун болупму кишилик һоқуқ қанунлириға бойсунуп, һәр хил шәкилдики террорчилиқ һәрикәтлирини битчит қилиш, асия - тенч окян иқтисадий һәмкарлиқ тәшкилатиға тәвә һәр бир иқтисадий қурулма террорлуққа қарши тәдбир қоллинип, сода йолиниң оңушлуқ болушиға асас тикләш тәкитләнгән.

Йиғинға қатнашқан һәрқайси иқтисадий қурулма, сәһийә бихәтәрликини оттурға қоюп, 2003 – вә 2004 - йиллири сарс вә қуш зукими кесилиниң партлиши асия - тенч окян районидики хәлқиниң иқтисадиға еғир зиян елип кәлгәнлики әскәртип, мушу хил ваба характерлик кесәлликләрниң алдини елиш, бу хил кесәлләрниң хәлқиниң сағламлиқиға вә иқтисадиға тәсир көрсүтишиниң алдини елиш қатарлиқ мәсилиләрму алаһидә тәкитләнгән.

Енергийә бихәтәрлики, йиғинниң йәнә бир муһим нуқтиси болуп, һәр қайси иқтисадий қурулминиң министирлири йиғинда йәнә , нефит баһасиниң нөвәттә асия - тенч окян иқтисадий һәмкарлиқ тәшкилатиға әза дөләтләрниң иқтисадий тәрәққиятиға тәсир йәткүзгәнликини билдүргән.

Асия - тенч окян иқтисадий һәмкарлиқ тәшкилатиниң башлиқлар йиғини аяқлашқандин кейин, америкиниң сода вәкили золик әпәнди сантеягодики мухбирлар мәркизидә мухбирларға мундақ дигән: "бүгүн мән, бир муһим учурни силәргә йәткүзимән, асия - тенч окян иқтисадий һәмкарлиқ тәшкилатиға әза дөләтләр изчил түрдә өз - ара һәмкарлиқ сөһбәтлирини давамлаштурушни үмид қилиду, чүнки биз бу җәһәттә муһим нәтиҗиләрни қолға кәлтүрдуқ, 2005 вә 2006 - йиллири мәзкур һәмкарлиқ сөһбитини тамамән орундап болалаймиз, бирақ бу тәрәққи қилған дөләтләр билән тәрәққи қиливатқан дөләтләрниң ортақ тиришчанлиқ көрситиши нәтиҗисидә қолғакелиду." (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.