Uyghur élide, "2007 ‏- yilliq bahar shamili" Uyghurlargha éghir ishsizliq aqiwetini élip kelmekte


2007-04-16
Share

Kündin-kün'ge kopiyiwatqan xitay aqqunliri, Uyghurlardiki ishsizlikni kopeytmekte.

Uyghur élide, "2007 ‏- yilliq bahar shamili" namida zor kölemlik ishqa orunlashturush herikiti qanat yaydurulghan bolup, xitay axbarat wastlirining bu heqte bergen melumatliridin ashkarilinishiche, mezkür heriket xitay ölkiliridin Uyghur élige ish izdep chiqqan ishsizlargha qolayliq shara'it yaritip bérishni meqset qilghan shuningdek ulargha 30 mingdin köprek xizmet orni tonushturulidighanliqi ilgiri sürülgen. Uyghur élide ishsizliq mesilisi ewj alghan bir peytte, meydan'gha kelgen bu heriket chet'ellerdiki Uyghurlar arisida qattiq inkaslarni peyda qildi.

Uyghur élide ishsizliq mesilisi yuqiri pellige kötürülgen bir peytte, xitay axbarat wastilirida " sheherge kirip ish izdimekchi bolsingiz, sizning qiyinchiliqingiz 2007‏ - yilliq bahar shamili herikiti" ürümchi nenxu meydanida ötküzülgen, zor kölemlik ishqa qobul qilish pa'aliyide hel bolidu, 370 din artuq idare qatnashqan bu pa'aliyette 137 xil xizmet we 30 mingdin köprek ish orni tonushturulidu" digen'ge oxshash élan xaraktérlik xewerler arqa ‏- arqidin tarqilishqa bashlidi.

Xewerde, aptonom rayonluq emgek we ijtima'i kapalet idarisi, aptonom rayonluq ittipaq kométiti, ishlepchiqirish - qurulush armiyisi we ürümchi sheherlik emgek kapalet idarisi birlikte, yézilardiki artuq emgek éshinchi küchi we köchmen aqqun ishchilargha heqsiz mulazimet qilip, ularning ishqa orunlishishigha yardem bérish herikitini qanat yaydurup, ürümchidiki nenxu meydani, ürümchi poyiz istansisi we qumul poyiz istansilirida neq meydanda ish tonushturush meslihet orunlirini tesis qilghanliqi otturigha qoyulghan.

Xénen ölkisidin kelgen aqqun ishlemchi ju shi'enning sözliri neqil keltürülgen xewerde, nahayiti téz arida xizmet tapqan ju shi'en" men, xénendin tunji qétim shinjanggha kélishim, bu yerde muwapiq bir ish tépishni ümid qilimen" dégen.

Aptonom rayonluq emgek we ijtima'i kapalet idarisining mu'awin bashliqi xitay aqqun ishlemchiler üchün söz qilip mundaq dédi: "ishlemchilerning uzundin béri ish tépishi qéyin, öz hoquqini qoghdishi qéyin bolghach, ular intayin ajiz kishiler idi, ishlemchiler alahide hörmetke we köyinishke muhtaj, bahar shamili herikitining yolgha qoyulushi waqtida yaqqan bir meydan yamghur hésablinidu."

Xitay hökümitining Uyghur élide mewjüt ishsizliq mesilisini bir terep qilmay turup, xitay ölkiridin kelgen aqqun ishlemchilerge ish tonushturush we qolayliq shara'it yaritip bérishi, elwette chet'ellerdiki Uyghurlarning qattiq naraziliqini meydan'gha keltürdi, ular " bahar shamili" herikitining Uyghurlar üchün téximu éghir aqiwetlerni élip kélidighanliqini bildürdi.

Xewerde ishlemchiler ishqa qobul qilin'ghandin kéyin, ottura hésab bilen éyigha 1000 yü'endin oshuq ma'ash alidighanliqi qeyt qilin'ghan bolup, "bahar shamili herikiti" yolgha qoyuluwatqan üch yildin buyan intayin yaxshi netijilerning meydan'gha kéliwatqanliqi, bu heriketning izchil dawamlishidighanliqi ilgiri sürülgen. Xitay ölkiliridin kelgen aqqun ishlemchiler qachan sheherlerde ish tépip, uning halawitini hés qilghanda, andin bu heriket heqiqiy netije körsetken hésablinidiken.

Dunya Uyghur qurultiyining re'isi memet toxti ependi we amérika Uyghur birleshmisining bash katipi alim séyitof ependiler, özlirining "bahar shamili herikiti" toghrisidiki qarashlirini otturigha qoyup naraziliklirini bildürüshti. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet