Arimizda shundaq alahide kishiler bar

Hörmetlik oqurmenler, hemme ezayi saq bolghan normal kishining, jismaniy jehettin méyip mejruh kishilerning rohiy dunyasini chüshünüp kélishi natayin, etrapimizdiki méyip kishilerdin sorap baqsaq ularning jem'iyettin kütüdighini peqet ularning jismaniy ajizliqigha ich aghritish, yaki turmushini qamdishigha anche munche saxawet körsitish emes, emeliyette ularning kütidighini yeni normal insanlardin kütidighini ularni jem'iyetning bir ezasi dep bilish we ularningmu normal rohiy dunyasi barliqi hetta bezi jismaniy jehettin saghlam kishilerdinmu küchlük iradige ige, ajayip ghaye we arzulirining barliqini étirap qilishtur.
Muxbirimiz gülchéhre
2009-02-20
Share

Bilish kérekki rohiy mejruhluq jismaniy mejruhluqtinmu yaman. Insanni yiqitidighini jismaniy ajizliq emes belki rohiy ajizliq.

Inkaslardin melumki xitayda jümlidin Uyghur élide méyiplargha nisbeten mukemmel bir jem'iyet sistémisi berpa qilinmighan, ularning insaniy heq -  hoquqliri heqqide toxtilishtin burun ularning ijtima'iy kapaliti hetta jemyette orniningmu bolmaywatqanliqdek ré'alni mesililer aldimzni tosaydu. Méyiplarni ajiz dep qarawatqan jemyette ulargha bolghan köngül bölüshimu peqet maddiy jehettiki iqtisadiy jehettiki yardemler bilenla cheklinidu. Emeliyette etrapimizdiki jismaniy jehettin mejruh bolghan kishilerning köpinchisi insanlarning ularnimu bir normal insan dep qarishini ümid qilidu, ular kishilerning xeyri saxawiti, méhri shepqqet yetküzishidin bekrek, özlirige normal insan süpitide hörmet qilishini kütidu.

Ularning arisida shundaq iradilik kishiler barki ularning rohiyiti adettiki saghlam kishilerdinmu saghlam hem küchlük, ular bu mejruhluqidin ibaret ré'alliqni étirap qilip hem shuni yéngip yashimaqta. Ular dunyagha bashqa nuqtidin turup qaraydu, ular shunchilik shükri qana'etchanki ular özlirige adil mu'amile qalmaywatqan, aran sighduruwatqan mushu jem'iyetke yenila minnetdarliq bildüridu. Ularning beziliri siz we bizge oxshash jismaniy jehettin saghlam kishiler qilalmaydighan ishlarnimu wujutqa chiqiralaydu, héch bolmisa shuning üchün tirishidu.

Qeshqerdiki gülbahar tursun isimlik bir qiz yéqinda Uyghur tor betlirige " men börikimni heqsiz teqdim qilimen" dégen muraji'etni élan qildi.

Insan hayatida nurghun hijran azablirigha uchrishi mumkin, emma insan üchün öz jismining bir qismi bilen widalishishtinmu artuq hijran bolmas, mana bu öz börikini teqdim qilish arqiliq yene bir insanni qutquzush iradisige kelgen gülbahar, riwayetlerdiki aqköngül perishtimu emes, jismaniy jehettin alahide saghlam bir qizmu emes, emeliyette özi bir méyip qiz.

Gülbahar qanliq bedel bérish ornigha bu dunyada bir insan süpitide iz qaldurushni, insan süpitide étirap qilinishni oylimaqta. Dunya, teqdir, jem'iyet uninggha rehimsiz bolsimu u yenila adettin tashqiri méhir shepqetlik yüriki bilen jawab qayturmaqta. Ré'alliqtiki perishte kebi gülbaharning özining axirqi saq ezasinimu teqdim qilish arqiliq, yene bir hayatliqqa yashash ümidi ata qilish arzusi jem'iyetni tesirlendürmekte, oyghatmaqta.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet