Arzugül tursun yenggidi, oghlining ismi ümid

Arzugül tursun yekshenbe küni chüshte dadamtudiki yéziliq doxturxanigha élip kélin'gen. Dunyagha köz échishtin awwal 3 qétim ölüm tehditige duch kelgen bowaq, sa'et 12 din 40 minut otkende dunyagha köz achqan. Arzugül tursun a'ilisi, köp jenggi - jideller bilen dunyagha kelgen bu perzentige "ümid" dep isim qoyghan.
Muxbirimiz shöhret hoshur
2009.02.13
Share on WhatsApp
Share on WhatsApp
Uyghur-ayalliri-bowaq-305.jpg 2008 - Yili 31 - iyulda tartilghan bu sürette, aqsudiki namelum bir guruppa uyghur ayalliri we bir bowaq.
AFP Photo

Arzugül tursunning dadisi tursunjan hesen bizge, bu xewerni mundaq yetküzdi: arzugül tursun hamilesni qutquzush üchün hamile üch ayliq waqtida bir qétim mehellidin ghayip bolghan. Yéza kadirliri a'ilisidikilerge bésim ishletkendin kéyin a'ilisige qaytip kelgen. Yéza kadirliri uni 11 ‏ - noyabir küni su derwaza doxturxanisigha mejburiy élip barghan . Bu chagh hamili'ening 6 ay 15 künluk waqti bolup, hamile opiratsiye qilinmaqchi bolghan.

Uyghur milliy herikitining rehbiri rabiye qadir xanim erkin asiya radi'osi muxbirining bu heqtiki melumati arqiliq ehwaldin xewer tapqandin kéyin, derhal heriketke kélip amérikidiki alaqidar orunlarni insaniy yardemge chaqirghan. Buning bilen amérika dölet mejilisi ezaliridin kirs smit ependi xitaygha naraziliq bildürgen we ularni opiratsiyidin waz kéchishke chaqirghan.

Bu ariliqta, arzugül doxturxanidin qachqan. Buning bilen ghulja sheherlik saqchi xadimliri 22 sa'et tekshürüsh we öy axturush élip bérip, arzugülni panahlan'ghan yéridin tépiwalghan.

Saqchilar uni u qétim ili oblastliq ana - balilar doxturxanisigha qamighan. Doxturxana 18 ‏ - noyabir küni etigende uni opiratsiye qilmaqchi bolghan. Arzigulning dadisi opiratsiye toxtamigha mejburiy qol qoydurulghan.

Bu weziyet radi'oda élan qilin'ghandin kéyin, rabiye qadir xanim xelq'ara jama'etni yene bir qétim heriketke chaqirghan we alaqidar orunlar bilen bu heqte yüz turane körüshken. Buning netijiside amérika dölet mejilisi ezaliridin kris smit we joy pitis ependiler birleshme bayanat élan qilip, xitaygha tekrar naraziliq bildürgen we amérikining béyjingdiki bash elchisige téléfon qilip, bash elchini weqege qol sélishqa chaqirghan. Bash elchi etisi etigende xitay tashqi ishlar ministirliqi bilen bu heqte sözlishidighanliqini bildürgen. Netijide, xitay arzugül tursunni opiratsiye qilish qararidin waz kechken we doxturxanidin qoyuwetken.
 
Arzigul tursun bügün etigen doxturxana resmiyetlirini tamamlap, dadamtu yézisining bulaq mehellisidiki a'ilisige qaytqan.

Nöwette arzugül tursun we oghli ümidning salametlik ehwalining normal ikenliki melum, emma, arzugül a'ilisining tughut jeryanida doxturxana we hökümet xadimliri teripidin qandaq mu'amilige uchrighanliqi melum emes. Chünki tughuttin bir qanche kün awwal, arzugül we yoldishining téléfoni saqchilar teripidin taqiwétilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet