Awstraliyidiki namayishchilar, b d t ning ürümchige tekshürüsh ömiki ewetishini telep qildi
Muxbirimiz erkin
2009.07.10
2009.07.10
RFA Photo / Erkin
Namayishchilar b d t ning weqege arlishishini, qirghinchiliqta mudapi'o'esiz qalghan Uyghurlarni qoghdishini telep qilmaqta. Bu türdiki namayishlarning biri awsitaliyede ötküzüldi.
Jüme küni awstiraliyidiki sherqiy türkistanliqlar paytext kanbérragha yighilip, sh. Türkistanliqlarning awstiraliye tarixidiki eng zor kölemlik namayishlirining birini élip bardi. Awstiraliyining milborn, adilayt, sédnéy qatarliq sheherliridin toplan'ghan nechche yüz kishilik namayishchilar qoshuni awstiraliye parlaménti we xitayning awstiraliyidiki elchixanisi aldigha yighilip, ürümchidiki basturushni eyiblidi. Kewin rud hökümitining xitayni eyiblishini, hökümetning weqege küchlük pozitsiye bildürüshini telep qildi.
Ürümchidiki weqe awstraliyediki sherqiy türkistanliqlarda nahayiti zor tesir qozghap, ularni tuyghulandurghanliqi we zor endishige séliwatqanliqi melum idi.
Kanbérradiki namayishni awstiraliye sherqiy türkistan jem'iyiti bilen awstiraliye Uyghur jem'iyiti birge teshkilligen bolup, namayishchilar awstiraliye da'irilirige 4 türluk telep sundi. Awstiraliye Uyghur jem'iyitining bash katipi memtimin ela yene awstiraliye da'irilirining xitaygha bir az jesur pozitsiye tutushini telep qildi.
Yuqirida ziyaritimizni qobul qilghan namayishchi xanim pütün dunyaning ürümchidiki basturushni, ürümchide tökülüwatqan qanni toxtitish üchün heriketke ötüshini telep qildi. Yene bir namayishchi xanim bolsa özining mushu éghir künlerde urümchide bolup qalmighanliqigha epsusliniwatqanliqini bildürdi.
Awstiraliye Uyghur jem'iyitining re'isi hüsen hesen ependi ürümchidiki weqege da'ir qarashlirini otturigha qoydi. Kanbérradiki namayishchilar yene, en'giliyining kanbérradiki elchixanisigha iltimas sunup, en'giliye hökümitining mesilige arilishishini telep qildi.
Möhterrem oqurmenler, yuqirida awstiraliye paytexti kanbérrada élip bérilghan namayish toghrisida melumatlargha ige boldunnglar.
Yuqiridiki awaz ulinishidin, bu heqtiki melumatimizning tepsilatini anglaysiler.