Седний уйғур кочисидики уйғур ристуранлири

Сүрәт, седнийдики "әпәнди уйғур ресторани"ниң симоволи болған "әпәндим" ниң сүрити.

Кочиниң ғәрби тәрипини авистиралийидики шәрқи түркистанлиқ көчмәнләр "уйғур кочиси" дәп атайду. Буниңға, қатарлишип ечилған "уйғур таамлири ресторани," " әпәнди уйғур ресторани," " керорән уйғур ресторани" қатарлиқ ристуранлар сәвәб болған болуп, бу кочида уйғурларни даим учритип турисиз. Бу үч уйғур ристуранини зиярәт қилип бир қисим мәлуматларға ериштим.

"Уйғур таамлири ресторани" вә " әпәнди уйғур ресторани" ниң хоҗайини җүрәт абдукирим әпәнди зияритимни қобул қилип ристуранлири һәққидә мунуларни сөзләп бәрди.

-- Мән үрүмчидә шинҗаң радио - телевизор университетниң математика оқутқучиси идим. Мән 1997 ‏ - йил австиралийигә кәлгән. 1995 - Йили қатнаш вәқәсигә йолуққандин кейин вәтәндә вә хитайниң шәһәрлиридә даваланған болсамму давалиниш үнүм бәрмәй, туғқанлиримниң издиниши вә ярдими арқилиқ адилайд шәһиридики " падишалиқ дохтурханиси" ға давалинишқа келип, тут йил даваланғандин кейин балилиримни әкилип, австиралийигә йәрләштим.

-- Уйғур таамлири намлиқ ашханини ечиштики мәқситимиз уйғур таамлири арқилиқ уйғурларни дуняға, болупму австралийә хәлқигә тонуштуруш иди. Әмдиликтә болса бу түптин өзгәрди, һазир уйғурларни пүтүн дуня хәлқи тониди, бизниң нөвәттики нишанимиз уйғур хәлқиниң дәвасини путун дуняға тонутуш йәни уйғурларниң аһ - зарини билдүрүш, биз әнә шу мәқсәттә кетип баримиз.

-- Әлвәттә, уйғурниң намини чиқириш үчүн азрақ болсиму һәрикәт қилдуқ. Бу кочиниң "уйғур кочиси" дәп нам алғанлиқиға пәхирлинимиз, бу седний вә австралийә хәлқи үчүнму аброй дәп һесаблаймән.

Юқиридики аваз улинишидин, бу һәқтики мәлуматимизниң тәпсилатини аңлайсиләр.