Шәрқий түркистан австралийә җәмийити иптар зияпити бәрди

8-Айниң 4-күни шәрқий түркистан австралийә җәмийити австралийиниң адилайд шәһиридики қериндашларға иптар зияпити бәрди.
Ихтиярий мухбиримиз абидә
2012-08-06
Share
awstraliye-ramzan-305.jpg Шәрқий түркистан австралийә җәмийити австралийиниң адилайд шәһиридики қериндашларға иптар зияпити бәрди. 2012-Йили 4-авғуст, австралийә.
RFA/Abide

Зияпәткә 250 дин артуқ адәм қатнашқан болуп шәрқий түркистан австралийә җәмийитиниң рәиси абдулғопур мөмин әпәнди кәлгән меһманларни қарши алди.

Таамлар тартилғандин кийин шәрқий түркистан австралийә җәмийитиниң вәкиллири рамзан ийиниң хасийәтлири, закат вә хәйр-еһсан тоғрисида сөз қилди. Улар йәнә хитайниң түгимәс бесими вә зулуми астида яшаватқан вәтәндики қериндашлиримизниң бу улуғ айда учраватқан зулумлирини йиғилишқа қатнашқан вәтәндашларға бир қур әслитип өтти вә шундақла уйғурларниң бирлики үчүн һәссә қошушниң муһаҗирәттә яшаватқан һәрбир уйғурниң баш тартип болмайдиған мәҗбурийити икәнликини тәкитләп өтти.

Җәнубий австралийә ислам җәмийитиниң рәиси, шәрқий түркистан австралийә җәмийитидики диний зат абдусалам алим әпәнди бу һәқтә тохталди.

Туғқан йоқлаш мунасивити билән австралийидә болуватқан зубәйрә ханимму бу зияпәткә қатнашқан болуп,у рабийә ханимниң вә америкидики қериндашларниң саламлирини йәткүзди.

Шәрқий түркистан австралийә җәмийитиниң катипи нурмуһәммәт түркистани әпәнди зияритимизни қобул қилди.

Наһайити көңүллүк вә әһмийәтлик болған бу йиғилиш көпчиликниң вәтәндә хитай зулуми астида қийниливатқан қериндашлири вә шундақла вәтән сиртидики барлиқ уйғурларниң бирлики үчүн дуа қилиш билән ахирлашти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт