Chégrisiz muxbirlar teshkilati metbu'at erkinliki mesilisi heqqide xitay hökümitini téximu qattiq eyiblidi

• Muxbirimiz méhribanning bu heqtiki melumati
• Download story audio

2008 ‏- Yili xitayda échilidighan olimpik yighinigha yene top -toghra ikki yil waqit qaldi. Merkizi parijdiki xelq'ara chégrisiz muxbirlar teshkilati yéqinda mexsus doklat élan qilip, béyjing hökümitini "eyni chaghda yeni olimpik yighinining béyjingda échilish hoquqini telep qilghanda bergen wediside turmidi, metbu'at erkinlikini ilgirikidinmu qattiq kontrol qilishqa bashlidi " dep qattiq eyiblidi.

Xelq'ara muxbirlar teshkilati élan qilghan bu doklatta xitay hökümiti teripidin qolgha élinip türmisige tashlighan " nyu york waqit géziti" ning muxbiri jaw yen bilen " xey shya waqit géziti"ning muxbiri chin shang qatarliqlarning ta hazirgha qeder xitay türmiside ikenliki, chet'el muxbirlirining her zaman xitay hökümiti teripidin qattiq nazaret qilip turulidighanliqi shundaqla chet'el muxbirlirining ziyaritini qobul qilghuchilarning hökümet teripidin qattiq tehditke uchraydighanliqiqatarliqlar bir -birlep kürsitilgen. Mezkur doklatta yene xitay hökümitining intérnet torbetlirige bolghan kontrolliqining künséri küchüyiwatqanliqimu alahide otturigha qoyulghan.

Bu heqtiki tepsili melumatlarni, muxbirimiz méhribandin anglang.