Hökümetning baj bikar qilish chariliri heqiqeten Uyghur déhqanlirining yükini yéniklettimu?

• Muxbirimiz peridening bu heqtiki melumati
• Download story audio

2003-Yili 17-séntebirte tartilghan bu resimde, birqanche Uyghur qeshqerdiki bir kochida. AFP

Tengritagh torida élan qilin'ghan xewerdin melum bolushiche, xitay da'iriliri bu yilliq déhqanlarning yükini yéniklitish xizmitide, Uyghur éli aqsu wilayitining bay nahiyisi asasliq baj islahat merkizi qilin'ghan. Bu islahat boyiche déhqanlarning zimmisidiki barliq artuq baj-séliqlar bikar qilinishtin sirt, kembeghel déhqanlargha hetta qoshumche teminat heqqi bérilgen.

Bay nahiyilik hökümettiki bir neper kadir bu heqte ziyaritimizni qobul qilip, hökümetning bu yildin bashlap bu yerde baj islahatini élip bériwatqanliqini étirap qildi we bu yézidiki déhqanlarning yilliq kirimining texminen 2000 yü'endin yuqiri bolidighanliqini éytti. Emma u yene, bu yerde kembeghel déhqanlarningmu yoq emeslikini éytip, bir qisim namrat déhqanlarning yilliq kirimining 300-400 yü'en etrapida bolidighanliqini bildürdi.

Bay nahiyisidiki déhqanlarning zimmisidiki yuk heqiqeten yéniklidimu? déhqanlar baj – séliqni bikar qilish siyasitidin heqiqeten behriman boliwatamdu?

Bu heqtiki melumatlarni, muxbirimiz peridening yerlik déhqanlarni téléfon ziyariti qilip teyyarlighan programmisidin anglang.