Baku silaw uniwérsitétida mehmut qeshqiri we Uyghurlar

Ulugh alim, tilshunas mehmut qeshqiri tughulghanliqining 1000 - yilliqi munasiwiti bilen birleshken döletler teshkilati 2008 - yilini mehmut qeshqiri yili élan qilghandin kéyin, ötken yili pütün dunyada bolupmu türkiyide we türkiy jumhuriyetliride mehmut qeshqirini xatirilesh üchün her xil ilmiy yighinlar chaqirilghan idi.
Muxbirimiz erkin tarim
2009-02-20
Élxet
Pikir
Share
Print
Süret, 2008 - yili 10 - ayning 17 - küni türkiyining shimalidiki qaradéngiz boyigha jaylashqan rize wilayitide mehmut qeshqirining tughulghanliqining 1000 - yilliqi munasiwiti bilen xelqaraliq mexmut qeshqiri ilmiy muhakime yighini échiliwatqan rize uniwérsitétining lozunka ésilghan binasi.
Süret, 2008 - yili 10 - ayning 17 - küni türkiyining shimalidiki qaradéngiz boyigha jaylashqan rize wilayitide mehmut qeshqirining tughulghanliqining 1000 - yilliqi munasiwiti bilen xelqaraliq mexmut qeshqiri ilmiy muhakime yighini échiliwatqan rize uniwérsitétining lozunka ésilghan binasi.
RFA Photo / Erkin Tarim

2008 - Yili axirlashqandin kéyinmu mehmut qeshqiri we uning öchmes esiri türkiy tillar diwani heqqide chaqirilghan ilmiy yighinlar dawam qilmaqta.

Türkiyide pa'aliyet élip bériwatqan sherqiy türkistan ammiwiy teshkilatlirining mes'ulliri we Uyghur pa'aliyetchiler bu xil yighinlarda mehmut qeshqiri xatirilinipla qalmastin , u tughulup chong bolghan sherqiy türkistanning tarixi we Uyghurlarning bügünki weziyitiningmu tilgha éliniwatqanliqini, bu xil yighinlarning sherqiy türkistan dawasi üchün nahayiti paydiliq ikenlikini ilgiri sürmekte.

Bu xil yighinlardin biri bügün yeni 2 - ayning 20 - küni ezerbayjanning paytexti bakudiki silaw uniwérsitétida ötküzülgen. Baku silaw uniwérsitéti türkiye tetqiqat merkizi teripidin chaqirilghan mehmut qeshqiri namliq bu ilmiy muhakime yighinigha baku silaw uniwérsitéti oqutquchi - oqughuchiliri, ezerbeyjan penler akadémiyisi qol yazmilar instituti mes'uli proféssor doktor terlan quliyéf, silaw uniwérsitéti türkologiye fakultéti mudiri proféssor doktor nuride newruzowa, silaw uniwérsitéti türkiye tetqiqat merkizi mudiri proféssor doktor aygül hakéyéwa we baku dölet uniwérsitéti oqutquchisi doktor ramiz asker qatarliq kishiler qatnashqan we söz qilghan.

Bu yighinda türkiy tillar diwanini ezerbeyjan tili bilen rus tiligha terjime qilghan, türkiy tillar diwani heqqide 4 kitabi neshr qilin'ghan doktor ramiz asker ependi `2008 - yilida türkiy tillar diwani we mehmut qeshqiri heqqide élip bérilghan pa'aliyetler` témisida, proféssor nuride newruzowa xanim bolsa `mehmut qeshqirining esiri türkiy tillar diwanining qimmiti` témisida, proféssor terlan quliyéf ependi bolsa türkiy tillar diwanining ehmiyiti heqqide söz qilghan.

Yighin axirida oqutquchi - oqughuchilar qizghinliq bilen mutexessislerdin türkiy tillar diwani we Uyghurlar heqqide so'allar sorighan. Bu ilmiy muhakime yighinida söz qilghanlar Uyghurlarning bügünki weziyiti heqqidimu toxtalghan. Biz neq meydan'gha téléfon qilip bu yighin heqqide tepsiliy melumat igileshke tirishtuq.

Yuqiriqi awaz ulinishidin, bu téléfon ziyaritimizning tepsilatini anglaysiler.

Toluq bet