Dunyaning herqaysi jayliridiki Uyghurlar barin inqilabini xatirilidi


2006-04-05
Share

Barin inqilabining 16 yilliq xatire küni munasiwiti bilen gérmaniye türkiye qatarliq döletlerdiki Uyghurlar xitay konsulxaniliri aldida namayish ötküzdi. Qazaqistan we qirghizistandiki Uyghurlar bu inqilabning 16 yilliq munasiwiti bilen xatirilesh pa'aliyiti élip bardi.

5 – April küni gérmaniyining myunxén shehiride dunya Uyghur qurultiyi we yawropa sherqiy türkistan birlikining uyushturushi bilen, barin inqilabining 16 yilliqi xatirlesh yüzisidin namayish élip bérildi. Barin weqesining 16-yilliq xatire küni munasiwiti bilen xitayning istanbulda turushluq konsulxanisi aldida namayish ötküzüldi.

Sherqiy türkistan medeniyet we hemkarliq jem'iyiti enqere shöbisining uyushturushi bilen ötküzülgen bu namayishqa istanbul we enqeredin kelgen Uyghur, qazaq we Uyghurlarni dostliri bolghan türklerdin bolup nurghun kishi qatnashti. Ular hemme birdek shu'ar towlap xitay hökümitini eyipleshti we barin shéhitlirini xatirileshti.

5-April küni barin inqilabining 16 yilliq xatire küni munasiwiti bilen, qazaqistanning almata shehiride dunya Uyghur qurultiyining wekili, siytasiyon qehriman ghojamberdining uyushturushi bilen xatirilesh pa'aliyiti ötküzüldi.

5-April küni barin inqilabining 16 yilliq xatire küni munasiwiti bilen, qirghizistanning paytexti béshkekte insan hoquqini qoghdash démokratiye teshkilati kéngesh ezaliri mexsus yighin ötküzdi. Yighinda barin qozghilingining jeryani bayan qilindi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet