Рабийә қадир хитай даирилириниң инкасиға қарита баянат елан қилди


2005.05.23
Share on WhatsApp
Share on WhatsApp

Хитай сақчи даирилири атақлиқ уйғур кишилик һоқуқ паалийәтчиси рабийә қадир ханимниң илгири үрүмчидә қурған әқидә ширкитидики хадимларға дәхли- тәрүз йәткүзгәнлик хәвирини инкар қилғандин кейин, рабийә қадир дүшәнбә күни буниңға қарши баянат елан қилди.

Рабийә қадир баянатида, хитай даирилириниң мәзкур ширкәтни банкини алдап қәрз алған дәп әйиблигәнликини, әмәлийәттә болса, әқидә һәссидарлиқ ширкитиниң һечқачан қанунсиз паалийәт билән шуғуллинип бақмиғанлиқини тәкитлиди.

Баянатта йәнә, хитай һөкүмитиниң рабийә қадирни қоюп бериштин бурун, униңға чәтәлдә һечқандақ паалийәт билән шуғулланмаслиқни, болмиса униң балилири вә ширкитини вәйран қилидиғанлиқини агаһландурғанлиқи йезилип, рабийә қадирниң кишилик һоқуқ йолидики күришиниң һәргизму тохтап қалмайдиғанлиқи тәкитләнди.

Рабийә қадир ханимниң йолдиши сидиқ һаҗи рози әпәнди рабийә қадир ханимға вакалитән бу баянатни бизгә аңлатти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.