Rabiye qadir xitay da'irilirining inkasigha qarita bayanat élan qildi


2005.05.23
Share on WhatsApp
Share on WhatsApp

Xitay saqchi da'iriliri ataqliq Uyghur kishilik hoquq pa'aliyetchisi rabiye qadir xanimning ilgiri ürümchide qurghan eqide shirkitidiki xadimlargha dexli- terüz yetküzgenlik xewirini inkar qilghandin kéyin, rabiye qadir düshenbe küni buninggha qarshi bayanat élan qildi.

Rabiye qadir bayanatida, xitay da'irilirining mezkur shirketni bankini aldap qerz alghan dep eyibligenlikini, emeliyette bolsa, eqide hessidarliq shirkitining héchqachan qanunsiz pa'aliyet bilen shughullinip baqmighanliqini tekitlidi.

Bayanatta yene, xitay hökümitining rabiye qadirni qoyup bérishtin burun, uninggha chet'elde héchqandaq pa'aliyet bilen shughullanmasliqni, bolmisa uning baliliri we shirkitini weyran qilidighanliqini agahlandurghanliqi yézilip, rabiye qadirning kishilik hoquq yolidiki kürishining hergizmu toxtap qalmaydighanliqi tekitlendi.

Rabiye qadir xanimning yoldishi sidiq haji rozi ependi rabiye qadir xanimgha wakaliten bu bayanatni bizge anglatti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.