Kériye nahiyiside sherqiy türkistan bayriqi tiklen'gen

• Muxbirimiz eqidening bu heqtiki melumatni
• Download story audio

Sherqiy türkistanning ay yultuzluq kök bayriqi. Buningdin besh kün ilgiri bu bayraq namelum kishiler teripidin kériye nahiye bazirigha tiklen'gen.

Fransiye axbarat agéntliqi, dunya Uyghur qurultiyining bayanatchisi dilshat rishitning sözini neqil keltürüp, buningdin besh kün ilgiri, xoten wilayitining kériye nahiyiside sherqiy türkistanning ay yultuzluq kök bayriqi nahiye bazirigha tiklen'genlik xewirini élan qilghan idi.

Xewerde ilgiri sürülüshiche, sherqiy türkistan bayriqini kériye nahiyisining bazirigha tiklep qoyush weqesi, namelum kishiler teripidin élip bérilghan bolup, bu ishtin kéyin xitay da'iriliri nahiye boyiche keng kölemlik axturush herikiti qozghap, kériye nahiyisidiki nurghun kishiler üstidin soraq élip barghan.

Dunya Uyghur qurultiyining bayanatchisi dilshat rishit ependining éytishiche , kériye nahiyiside élip bérilghan axturush we sürüshtürüsh herikitige bügün top - toghra 5 kün bolghan.

Xewerlerge qarighanda, xitay da'iriliri sherqiy türkistan bayriqini hizbul teqrir partiyisining ezaliri tiklep qoyghan bolushi mumkin dep guman qilidiken.

Dilshat rishitning bildürüshiche, axturush we sürüshtürüsh herikiti kériyide turushluq jama'et xewpsizlik idarisi teripidin hemde nahiyilik ittipaq komitétining hemkarliqida élip bérilghan. Bu munasiwet bilen muxbirimiz eqide kériyige téléfon urup, ehwal igilidi.