Toqsudiki Uyghur tijaretchilerning béshi qatti


2007.05.09
Share on WhatsApp
Share on WhatsApp

UyghurMerchants-150.jpg
Ürümchi kochiliridiki miwe-chiwe tijaretchisi. The dominate Uighur and other Moslem minority groups in the region are bitter at the invasion of ethnic Han Chinese immigrants who are taking up all the good jobs, leaving the vast majority of locals as peddlers, small-time merchants and farmers. AFP PHOTO/Robyn BECK

Istansimizgha kelgen inkaslardin ashkarilinishche, Uyghur élining aqsu wilayitige tewe toqsu nahiyisidiki " toqsu top baziri" yéqinda bir puldar xitay sodigirige sétiwitilgenliktin, bazar bashqurush idarisining xadimliri bu bazarda tijaret qiliwatqan 100din artuq Uyghur tijaretchini mezkür bazardin köchüp kétishke mejburlighan.

Bu weqe 10 yildin buyan az ‏- tola sétiqchiliq qilip, turmush kechüriwatqan Uyghurlarning qattiq naraziliqini qozghimaqta.

Bazardin köchüshke mejbur boluwatqan Uyghur tijaretchiliri

Özini ashkarilashni xalimighan bir kishi charshenbe küni ettigende istansimizgha téléfun urup, aqsu wilayitige tewe toqsu nahiyesidiki " toqsu top baziri" ning yéqinda bir puldar xitay sodigirige sétiwitilgenliki, shu seweblik bazarda tijaret qilip tirikchilik qiliwatqan Uyghurlarning bu jaydin köchüp kétishke mejbur boluwatqanliqi toghrisidiki xewerni inkas qildi.

Biz mezkür weqe üstide tepsiliy melumatqa érishish üchün, aldi bilen " toqsu top baziri" gha mes'ul ademni izdep tépishni muwapiq körduq we köp izdinishler arqiliq, bazargha qadir baqi isimlik bir kishining mes'ul ikenlikini sürüshte qilip taptuq.

Epsus qadir baqi, bu heqte özining bir nerse éytip bérelmeydighanliqini shuningdek özining bu ishlardin xewiri yoq ikenlikini bildürdi.

" Toqsu top baziri" ni bashquridighan qadir baqining sözliri, bizni " toqsu top baziri" ning heqiqeten sétiwitilgenliki heqqide éniq melumat élishqa undidi.

"Toqsu top baziri" da tijaret qiliwatqan tijaretchilerdin bir qanchisi, bazar bashqurush xadimlirining ulargha bazardin köchüp kétishni uqturghanliqini bildürdi.

Nahiyilik hökümetning qoli bar

CHINA_XINJIANG_MARKET_15_thumb.jpg
Id kah ning aldiki bazar. the 14th Century Id Kah Mosque in the city of Kashgar, in Xinjiang region in the far west which borders eight largely Muslim Central and South Asian nations, 30 March 2005. An atmosphere of fear pervades this region of China where strangers shy away of open discussion and religious and civil rights are curbed. AFP PHOTO/ Robert J. SAIGET

Bizge melumat bergen tijaretchiler, " toqsu top baziri" ning, xitay sodigirige sétiwitilishide, nahiyilik hökümetning roli intayin chong ikenlikini éytti.

Biz bu ehwalni téximu tepsiliy bilish üchün shuningdek eger bazar sétiwitilgen bolsa néme üchün, bazarda tijaret qiliwatqan Uyghur tijaretchilerni bashqa orun'gha orunlashturmighanliqini éniqlash üchün, toqsu nahiyisining nahiye bashliqi turanqizni ziyaret qilish üchün köp izden'gen bolsaqmu, emma uning téléfon'gha érishelmiduq.

Biz radi'o anglighuchilirimizgha bu heqte téximu éniq téximu tepsiliy melumat bérish üchün, dawamliq izdinimiz. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.