Béyjingdin buyruq tapshuruwalghan aghu yéza rehberliri erzdarlargha bésim ishletmekte

Kucha nahiyisining aghu yézisidiki déhqanlardin 3 nepiri ötken ayning otturiliri béyjinggha yétip kélip, aghudiki déhqanlarning tömür yol qurulushigha toghra kelgen yerlirining tölem puli mesilisi üstide munasiwetlik orunlargha erz qiliwatqan idi.
Muxbirimiz shöhret hoshur
2011.01.10
Adil-memet-Uyghur-erzdar-Beijing-305 Süret, saqchilar teripidin tutup kétilgen namayish yétekchisi dep qaralghan uyghur erzdar adil memetning béyjingda yéqinda tartilghan süriti.
http://news.boxun.com Déin élindi.

Melum bolushiche, béyjingdiki döletlik erziyet idarisi yéqinda aghu yézisigha uqturush chüshürüp, mezkur mesilini tizdin bir terep qilishni we netijisi heqqide béyjinggha doklat yollashni buyrughan. Melum bolushiche, nöwette mezkur yéza we nahiye rehberliri, döletke hésab bérishtin qutulush üchün erzdarlarni erzidin waz kéchishke qistimaqta.

Xitay döletlik erziyet idarisi ötken ayning 17 ‏-küni aghu yézisigha mexsus höjjet chüshürüp, mezkur yer we tölem mesilisini 1 ‏-ayning 16 ‏-künigiche hel qilishni buyrughan. Uqturushta yene, hel qilinish netijisi heqqide doklat bérish telep qilin'ghan.

Yéza rehberliri 2 heptidin béri béyjingdiki 3 neper erzdarning a'ile tawabati we ularni qollighuchilardin bolup 7 kishini kentke yighiwélip tehdit salmaqta.

Igilishimizche, yéza rehberlirining bu tür zorawanliqida nahiye rehberlirining perde arqisidin qomandanliq qiliwatqanliqi melum. Bügün aghu yéza we nahiyidiki munasiwetlik orunlardin 7 kishilik bir guruppa béyjinggha yétip kélip, mezkur 3 neper erzdar bilen körüshken we ularni yurtigha qaytip kétish üchün idiyiwi xizmet ishligen. Ular bu jeryanda eger erzdarlar yurtigha qaytsa, nahiye rehberlirining bu mesilini adil bir terep qilip béridighanliqi heqqide wede bergen. Buning bilen bu wedining rast yaki yalghanliqini éniqlash üchün, béyjingdiki erzdarlar, özlirining aghu yézisidiki wekillirini kucha nahiyisining hakimi yüsüpjan bilen körüshüshke ewetken. Ikki neper wekil bügün kucha nahiyilik hökümetke kélip hakim yüsüpjan bilen körüshken, emma hakim, erzdarlar béyjingdin qaytip kelmey turup ular bilen sözleshmeydighanliqini bildürgen. Netijide béyjingdiki üch neper erzdar, yurtigha qaytishni qet'iy ret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.