Birleshme qisim besh kéche bombardiman qilghandin kéyinmu, kazafiy yenila qozghilangchilargha qaratqan qirghinchiliqni toxtatmidi

Kazafiy qisimliri birleshme qisimning hujumigha qarimay, ottura déngiz boyliridiki qozghilangchilarning qolidiki sheherlerge quruqluqtin qiliwatqan hujumi yenila toxtatmidi.
Muxbirimiz weli
2011-03-24
Share
birleshme-armiye-liwiye-305.jpg Liwiye jeng meydanigha yötkelgen birleshme armiye ayropilani. 2011-Yili 21-mart.
Navy.mil

B d t ning qarari boyiche, liwiyide qozghilang kötürgen xelqni kazafiyning hujumidin saqlash üchün, birleshme qisim kazafiyning herbiy bazilirigha hawadin hujum qiliwatqili bügün alte kün boldi. Amérikining a b s xewerliride bayan qilinishiche, tünügün kéchide, fransiyining "Miraj" belgilik bir bombardimanchi ayropilani misrata shehirining hawa boshluqida, kazafiyning bir urush ayropilanini soqup chüshürgendin kéyin, kazafiyning déngiz buyidin 250 kilométir yiraqliqtiki hawa armiye bazisigha bérip bombardiman qilip qaytip kelgen.

S n n ning bayan qilishiche, birleshme qisim liwiyidiki qozghilangchilarni qoghdash üchün, kazafiyning herbiy bazilirigha uda besh kéche hujum qilghandin kéyinmu, kazafiy qisimliri quruqluqtin, ottura déngiz boyliridiki qozghilangchilarning qolidiki sheherlerge qozghawatqan hujumini toxtatmidi. Bügün birleshme qisim kazafiy qisimlirigha hawadinla emes, déngizdinmu hujum qozghidi.

El jezire téléwiziyisining bayan qilishiche, kazafiy bügün, birleshme qisim hujum qilishqa pilanlawatqan tripoli shehiridiki balbal eziziya mehelliside turup, özining qisimlirini axirqi ghelibini qolgha keltürgüche jeng qilishqa chaqirdi. Gerche tünügün misratada, qozghilangchilargha tanka, zembirekler bilen hujum qiliwatqan kazafiy qisimliri kéchide tosattinla jim bolup qalghan bolsimu, emma bügün yenila, qozghilangchilarning bazisi bolghan ben'ghazi shehiri bilen jenubtiki ejdabiya shehirining sirtida, qozghilangchilar bilen jiddiy jeng qiliwatidu.

Qatar uchur wasitilirining bayan qilishiche, liwiyidiki qozghilangchilar teshkilligen dölet komitéti dégen teshkilat bügün parizhda bayanat élan qilip, maxmut jebrilni liwiye waqitliq hökümitining re'islikige belgiligenlikini we uninggha her qaysi ministir we komitétlarning bashliqlirini teyinlesh üchün hoquq bergenlikini jakarlidi. 

Roytrs agéntliqining bayan qilishiche, liwiye qozghilangchiliri teshkilligen dölet komitétining wekili mensur sayfal nasir bügün parizhda, bu teshkilatining meqsiti liwiyide dindin xaliy hökümet qurush dep jakarlidi we kazafiy pat yéqinda gumran bolidu, liwiyide xelq üchün tosalghu tügeydu dep qeyt qildi. Qozghilangchilarning yene bir wekili éli zeyden, qozghilangchilar özini qoghdash üchün, hazir qoral kérek dep jakarlidi.

Télégraf gézitining bayan qilishiche, nato döletliridin en'gliye, türkiye, ispaniye, gritsiye, italiye, kanadadin ibaret 6 döletning paraxotliri bügün, b d t ning liwiye toghrisidiki qararigha asasen, hawa mudapi'e küchini asasen yoqatqan kazafiyning emdi, déngizdin qoral yötkishini cheklesh üchün déngizlarda charlash élip bérishqa bashlidi. Ruminiye 200 esker bilen bir mudapi'e paraxoti chiqirip bu heriketke qatnashti. Bu heriketke gollandiye F-16, gritsiye miraj, kanada F-18 belgilik bombardimanchi ayropilan chiqardi.

Amérika awazining bayan qilishiche, amérika prézidénti obamaning sözi bilen éytqanda, b d t ning qararini ijra qilish üchün, amérika hazir liwiyide qollinilidighan herbiy heriketke qomandanliq qilish hoquqini natogha ötküzüp bérish aldida turmaqta, emma hazir bu bir waqit mesilisi, bu mesilini hazir nato muzakire qiliwatidu. Buningda, bu qoshun kötürgen bayraqning ereb ellirining qollishigha ige bolushi bir muhim mesile.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet