Gérmaniyidiki Uyghurlar ramzan éyida birlik, inaqliq üchün xizmet qildi

Mubarek ramzan éyi bashlan'ghandin bügün'ge qeder, gérmaniyining myunxén shehiridiki Uyghurlar her küni iptarda birge bolup, birlik, inaqliqni ilgiri sürüsh üchün tirishchanliq körsetmekte.
Ixtiyariy muxbirimiz ekrem
2012-08-06
Share
germaniye-ramzan-iptar-305.jpg Yawropa sherqiy türkistan birliki teshkilati myunxéndiki Uyghur jama'itige chong iptar berdi. 2012-Yili 4-awghust, gérmaniye.
RFA/Ekrem

8-Ayning 4-küni yawropa sherqiy türkistan birliki teshkilati myunxéndiki Uyghur jama'itige chong iptar berdi. Iptargha er-ayallardin bolup 100 din artuq kishi qatnashti. Teshkilat re'isi abdujélil qarihajim bashta söz qilip, birlik-ittipaqliqning dawam qilishigha tilekdashliq bildürdi. D u q mu'awin re'isi esqerjan ependimu jama'etni mubarek ramzan bilen qutluqlidi.Yawropa sherqiy türkistan birliki teshkilati myunxéndiki Uyghur jama'itige chong iptar berdi. 2012-Yili 4-awghust, gérmaniye.

Bu xildiki iptar pa'aliyiti ramzan bashlan'ghandin béri myunxén rayonidiki Uyghur jama'iti arisida dawam qiliwatqan bolup, gérmaniye Uyghurlirining mötiwerliridin enwerjan ependi ziyaritimizni qobul qilip, bu yilqi iptar pa'aliyiti toghrisida toxtilip ötti. U sözide, gérmaniyidiki Uyghurlarning milliy birlik rohidin köp memnunluqini bildürdi. Gérmaniye Uyghur ayallar komitétining re'isi gülnar xanim ziyaritimizni qobul qilghanda, bu yilqi ramzanliq pa'aliyetlerning yalghuz roza perzini ada qilishla emes, belki yene mol mezmun'gha ige siyasiy pa'aliyet bolghanliqini tilgha aldi. Myunxéndiki Uyghur diniy zatliridin hébibullah qarimmu bu yilqi ramzan pa'aliyiti toghrisida öz tesiratlirini bildürdi. U sözide, xitay zulumi astidiki Uyghur xelqining patraq hörlükke ériship, diniy mejburiyetlirini özliridek erkin-azade ötiyeleydighan bir zamanning kélishini alladin tileydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet