Қирғизистан сақчилири тәшкилатчи турсун исламниң оғлини тутуп кәтти


2007-07-30
Share

Қирғизистан уйғурлири, бишкәктә, коммунистларниң бу сүрәттики намайишиға қарши намайиш елип барди. KYRGYZSTAN, MANAS : Kyrgyz Communist supporters demonstrate in front of a US military base in Manas, 07 July 2007. AFP PHOTO / VYACHESLAV OSELEDKO

Қирғизистан даирилири 30‏- июл күни қирғизистандики америка қисимлирини қоллап, бешкәктики америка әлчиханиси алдида намайиш тәшкиллигән, бешкәк демократийә вә кишилик һоқуқ тәшкилатиниң рәиси вә әркин асия радиосиниң қирғизистандики ихтияри мухбири турсун исламниң намайишқа қатнишишиниң алдини елиш үчүн, өйиниң дәрвазисини сирттин тақаш арқилиқ уни вә аилисидикиләрни нәзәрбәнт қилған.

Алдимиздики авғуст ейида бешкәктә өткүзүлидиған шаңхәй һәмкарлиқ тәшкилатиға әза дөләт башлиқлириниң йеғини һарписида қирғизистандики уйғур тәшкилати тәрипидин бундақ бир намайиш уюштурулғанлиқи қирғизистан бихәтәрлик даирилирини алақзадә қиливәткән.

Улар, йәрлик һөкүмәт даирилири тәрипидин рухсәт берилгән бу намайишниң алдини елиш үчүн барлиқ тәдбирләрни қолланған. Биз вәқәниң йүз бериш җәрянини игиләш үчүн турсун ислам билән телефон арқилиқ сөһбәт өткүздуқ.

Турсун ислам әпәнди, қирғизистан даирилириниң бүгүн әтигән униң өйидин чиқишиниң алдини елиш үчүн дәрвазисини сирттин тақап нәзәрбәнт қилип қойғанлиқи вә вәзийәтниң тәрәққияти тоғрисида мухбиримизға учур бәрди.

юқиридики улиништин, мухбиримиз өмәр қанатниң бу һәқтики тәпсили хәвирини аңлайсиз.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт