"Shinjang naxshiliri" zoq emes "oq" peyda qildi (2)

• Muxbirimiz gülchéhrening bu heqtiki toluq melumati
• Download story audio

Yéqindin buyan Uyghur élining tengritagh tor béti, shinjang radi'o ‏- téléwiziye tori qatarliq , shinxu'a tori dégendek Uyghur éli hem xitaydiki ottuzdin artuq tor betlerde "shinjang naxshiliri" namida mexsus köznekler échilghan bolup , bu közneklerge Uyghur élidiki bir qisim naxshichilarning orunlishidiki , Uyghur ahangida ishlen'gen xitayche tékist sélin'ghan "shinjang naxshiliri" qoyulghan.

Tor bette chüshendürüshiche, mezkur naxshilar asasen Uyghur élining yéngi qiyapitini sirtqa teshwiq qilish, sayahetchilerni Uyghur élige kélishke qiziqturushni meqset qilip , Uyghur aptonom rayonluq partkom tashqi teshwiqat ishxanisining teshkillishi bilen ishlen'gen , mexsus teshwiqat naxshiliri iken.

Xitay hökümiti wang lobingning Uyghur muzika sahesige salghan buzghunchiliqlirini dawamlashturmaqta

Ilgiri Uyghur élidiki xitay herbi sen'et ömikining kompozitori wanglobing , Uyghur élidiki Uyghur we bashqa yerlik milletlerning xelq muzikilirigha xitayche tésktlarni kirgüzüp ishlep özining ijadiyiti süpitide élan qilip hetta chet'el shérketlirige sétip nep alghanliqi seweblik , xelq arisida naxsha oghrisi atilip qattiq nepret qozghighan .

Emma, xitay da'irliri hazirgha qeder wanglobingni Uyghur élining sen'et sahesige töhpe qoshqan sen'etkar sanap kelgendin sirt uning bashqa milletlerning naxsha muzikisini oghrilash, buzush en'enisinimu dawamlashturup kelmekte. Buning misallirini xitaydiki her qaysi tor betlirige kirip shinjang mv ( muzika körünme chastotisi)naxshilirini bésipla bileleymiz.

Naxshilar peqet xitayche oqulghandila qarshi élinamdu?

Hazir xitaydiki ottuz nechche tor betke qoyulghan bu shinjang naxshiliri gerche Uyghur élidiki Uyghur qazaq , mongghul qatarliq xitay bolmighan milletlerning muzikiliri asasida ishlen'gen naxshilar bolsimu ,naxshini orunlighuchi artislar meyli qandaqla millet bolushidin qet'iy nezer birdek xitay tilida orunlighan.

Gerche bu naxshichilarning yuqiri orunlash sen'iti ,mahariti, özgiche alahidilikke ige körünüshler zamaniwi téxnikilar bilen kirishtürülgen, yéngiche ang, yéngiche uslublar yaritilghanliqi xitay we bashqa Uyghur élidiki milletlerni hem ularning sen'itini chüshenmeydighan kishiler üchün zoq béghishliyalighan bolsimu , emma öz sen'itini hemmidin ela bilidighan sen'et üchün ölüp sen'et üchün tughulidighan bu sen'etxumar xelq üchün , öz muzika naxshilirining xalighanche shekillerde özgertilip shinjang naxshiliri namida buzghunchiliqqa uchritilishi Uyghurlarda bu shinjangmv sheklidiki naxshilar zoq emes belki oq peyda qilmaqta.

Aldinqi anglitishimizda biz cheـ'ellerdiki Uyghur sen'etkarlarning bu heqtiki pikirlirini alghan iduq. " Shinjang naxshiliri Uyghurlarning til we medeniyet jehette xitayning asimilatsiyesige uchrawatqanliqining ispati" dep otturigha qoyghan shwétsiyidiki qeyser ependi, yuqurdiki qarashlargha qoshulidighanliqini bildürüp, öz köz qarashlirini otturigha qoydi. (Gülchéhre)