Prézidént bush, gruziyining démokratik qedimige yuqiri baha berdi


2005.05.10
Share on WhatsApp
Share on WhatsApp

Amérika prézidénti jorj bush tiflistiki erkinlik meydanida, nechche on minglighan gruziye xelqining alqish - sadaliri ichide nutuq sözlep "ottura asiya bilen ottura sherq rayon xeliqlirining hemmisi birdek erkinlikke érishishke teshna" dep bildürdi.

Prézidént jorj bush sözide yene " silerning démokratik islahat élip bérish jasaritinglar, pütün dunyada ghul - ghula qozghidi" dédi.

U yene "yashlar erkinlikke chiqishni telep qilidu, undaqken ular choqum erkinlikke érishishi kérek" dep körsetti we barliq döletler gruziyining zémin pütünlikini hörmet qilishi kérek dep alahide tekitlidi. En'giliye b b s radi'o - téléwiziye shirkitining bu heqte bergen xewiride körsitilishiche, uning bu sözi rusiyige qaritilghan iken.

Bush, amérikining afghanistan we iraqta yürgüzgen siyasitini gruziyining yéqindin qollap quwwetligenlikidin intayin memnun ikenlikini bildürüp, gruziye xelqining erkinlik yolida atqan her qedimide amérikining birge bolidighanliqini otturigha qoydi.

Jorj bush, gruziyide yüz bergen inqilabning ukra'iniyidiki , ottura sherqtiki we hetta pütün dunyadiki erkinlikke intilgen xelqler üchün ilham qayniqi bolghanliqini körsitip "gruziye, bügün erkinlikke we musteqilliqqa érishken bir dölet bolush süpiti bilen , erkinlikke teshna xelqler üchün bir mesh'el boldi" dédi.

Bush yene, hazir buninggha oxshash erkinlik arzusining kafkaslar we ottura asiyaghimu öz tesirini körsitiwatqanliqini, shunga pütün döletlerning gruziyining zémin pütünlikige hörmet qilishi kéreklikini tekitlidi.

Gruziyining shimaliy atlantik ehdi teshkilati we yawrupa ittipaqi bilen yéqindin munasiwet qurushini teshebbus qilghan prézidént jorj bush , sözini amérika xelqige wakaliten rexmet éytish bilen tamamlidi.

Metbu'atlarning bu heqte bergen melumatlirigha qarighanda, amérika prézidénti jorj bushning nutqini anglash üchün toplan'ghan on minglarche xelqning alqishliri, shuningdek gruziye sen'etchilirining naxsha - usulliri, lepildep turghan amérika we giroziye bayraqliri, tiflis erkinlik meydanidiki keypiyatni intayin janlandurwetken. Prézidént bushni kütüwélish üchün ötküzülgen mezkur murasim, gruziyining paytextti tifliste, 18 ay burun partilighan qizil gül inqilabidin kéyin tunji qétim yüz bergen dagh - dughuluq bir qétimliq pa'aliyet hisaplandi.

Jorj bush, 2 - dunya urushi ayaqlashqanliqining 60 yilliqi munasiwiti bilen moskwada ötküzülgen xatirlesh murasimigha qatnashqandin kéyin, gruziyige qaratqan ziyaritini bashlighan. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet