Amérika-afghanistan rehberliri talibanlarni yoqitishqa bel baghlighanliqini ashkarilidi


2007-08-07
Share

Amérika prézidénti bush we afghanistan prézidénti xamid karzay sözliridin kéyin qol élishmaqta. Afghan President Hamid Karzai (R) and US President George W. Bush shake hands following a joint press conference 06 August 2007 at Camp David in Maryland. AFP PHOTO/Mandel NGAN

Amérika prézidénti jorj bush bilen afghanistan prézidénti xemit karzay 8 ‏- ayning 6 ‏- küni bayanat élan qilip, talibanlarni yoqitishqa bel baghlighanliqini ashkarilidi. Bu washin'gton sehrasidiki kempdewit prézidént aramgahida ötküzülgen ikki künlük söhbetning netijisi bolsa kérek. Bu söhbettin kéyin, amérika prézidénti jorj bush bayanatida 'tarix bizni esebiylerge zerbe bérip xelqning arzu-isteklirini emelge ashurushqa chaqirmaqta', dédi. Shundaqla térrorchilar we taliban qalduqliri bilen bolghan küreshni dawamlashturidighanliqini bildürdi. Afghanistan prézidénti xemit karzay bayanatida bolsa, talibanlar hazir afghanistan hökümitige tehdit bolalmaydu, emma peqet halak bolush aldida jan talishiwatqan bir qisim küch bolup qaldi, bu küch hazir biguna xelqni azabqa séliwatidu, dédi.

Karzay: talibanlar hazir peqet biguna xelqqe, mektepte oquydighan balilargha, diniy zatlargha, xelq'aradin yardem bergili kelgen xizmetchilergila tehdit séliwatidu

B b s ning xewer qilishiche, afghanistan prézidénti xemit karzay bayanatida, 2001 ‏- yilidin kéyin, amérika bashchiliqidiki birleshme qoshun taliban hakimiyitini aghdurup tashlashta netije hasil qilghan idi. Emma taliban qalduqliri hazir qaytidin qorallinip hakimiyitini eslige keltürüsh üchün aware boluwatidu. Bu jeryanda afghanistan xelqi azap chékiwatidu, dégen. Uning qarishiche,‏ talibanlarning hazir afghanistan hökümitige tehdit sélishqa qurbi yetmeydu. Emma ular peqet biguna xelqqe, mektepte oquydighan balilargha, diniy zatlargha, énjinérlargha, xelq'aradin yardem bergili kelgen xizmetchilergila tehdit séliwatidu.

Bush: bu qétim qollinilidighan herikette elqa'idichilerning rehberliri tutulup sotqa tartilidighanliqigha ishinimen

Amérika bash ministiri rayis xanim we dölet mudapiye ministiri robért géytis, prezidénti bush we afghanistan prezidénti xamid karzaylarning kélishini kütmekte. US Secretary of State Condoleezza Rice, Defense Secretary Robert Gates and National Security Advisory Steve Hadley wait for the arrival of Afghan President Hamid Karzai and US President George W. Bush for their joint press conference 06 August 2007 at Camp David. AFP PHOTO/Mandel NGAN

Amérika awazining xewer qilishiche, muxbirlar jorj bushtin, eger osama bin ladinning pakistanda ikenliki heqqidiki uchurlar ishenchilik bolsa, perwiz musherrepni xewerlendürmey turupla pakistan'gha hujum qilinamdu, dep su'al sorighanda, prézidént bush bu su'algha qarita "2001 ‏- yili 11 ‏- séntebir weqesidin kéyin, amérika qoshunliri elqa'idichilerge, talibanlargha zerbe bérish üchün afghanistan'gha kirgen idi. Lékin hazirgha qeder elqa'idichilerning rehbiri osama bin ladin téxiche tutulmidi, u yenila pakistanning afghanistan bilen chégrilinidighan jaylardiki qebililer rayonida yushurunup turuwatsa kérek. Bizning pakistan bilen bolghan munasiwitimiz yaxshi, biz hazir tutup sotqa tapshurimiz dewatqan térrorchilar yenila uzundin buyan pakistan prézidénti perwiz musherepni öltürüsh üchün süyiqest pilanlap kéliwatqan kishiler. Amérika bilen pakistan ensirewatqan mesile oxshash. Emma bu qétim qollinilidighan herikette elqa'idichilerning rehberliri tutulup sotqa tartilidighanliqigha ishinimen," dégen.

Amérika prézidénti jorj bush bu mesilide yene, afghanistan bilen pakistanning hemkarliqini teshebbus qilmaqta.

Karzay bayanatida amérika we nato qisimlirining herbiy heriketliride biguna xelqning zexmilinishidin saqlinishi lazimliqini tekitligen

Amérika dölet xewerliri radi'osining bayan qilishiche, afghanistan prézidénti xemit karzay gerche amérika prézidénti jorj bushning pikrini qizghin qarshi alghan bolsimu, emma amérika we nato qisimlirining herbiy heriketliride biguna xelqning zexmilinishidin saqlinishi lazimliqini tekitligen.

Jorj bush amérika we nato qushunliri herbiy heriket qollan'ghanda, chuqum afghanistan hökümitining telipige bina'en ish köridu, dep wede bergen.

Xewerde éytilishiche, afghanistanning amérikida turushluq bash elchisi zahir taninmu amérika tashqi ishlar ministirliqigha qoyghan telipide, amérika we nato qushunlirining herbiy heriket toghrisida yerlik xelqni xewerdar qilishi lazimliqini tekitligen.

‏-‏- Eger men prézidént bolsam, pakistan hökümitining maqulluqini almighan ehwal asitida, elqa'idichilerge herbiy heriket qollinishqa buyruq chüshürimen, ‏-‏- deydu amérikining 2008 ‏- yilliq prézidént namzati barak obama

Amérikidiki démokratik partiye teripidin körsitilgen 2008 ‏- yilliq prézidént namzatlirining biri bolghan barak obama ependi yéqinda saylam ehlige bergen wediside "gerche 2005 ‏- yili el qa'idichilerni pütünley tazilashqa purset chiqqan bolsimu, emma heriket qollinilmighanliqi bir chong xataliq bolghan idi. Emdi men prézidént bolsam, pakistan'gha yushurun'ghan elqa'idichilerge herbiy heriket qollinish heqqide biwaste buyruq chüshürimen, pakistan hökümitining maqulluqini élish hajet emes," dégen idi.

Bu köz qarash hazirqi peytte, amérika bilen pakistan we afghanistan munasiwetliridiki el qa'idichiler mesilisini hel qilish jehette prézidént bush üchün bir bésim shekillendürgen idi. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet