Chaghan küni: xitaylar bayramda, Uyghurlar hasharda

Bügün xitayning bahar bayrimining yeni chaghanning üchinchi küni؛ Uyghur rayonidiki xitay ahalisi bügün échiwétish - tereqqiyatidin alghan nimetliridin rahet hozurliniwatqan bir kün. Emma bu tereqqiyattin héch nésiwe alalmighan Uyghurlar bu künni yenila japada, hetta hashar bésimi ichide ötküzmekte.
Muxbirimiz shöhret hoshur
2009-01-28
Share
Uyg-dixan-hashar1-305 Uyghur diyarining namelum yézisidiki uyghur déhqanlirining hashar üstidiki körünüshi.
RFA File

Yéngisar nahiyisidiki déhqanlar yillardin béri ilmiyliktin uzaq, mejburiy térilghu pilani bilen öz étizlirigha ünümsiz ishligendin bashqa, yene hökümet organliri üchün her yil belgilik waqit heqisz ishlimekte. Yeni hashar izchil dawam qilmaqta.

Déhqanlarning pash qilishiche, hökümet idare - jem'iyetliri kentlerdiki déhqanlargha tewe yerlerni belgilik kölemde igiliwalghan, bu igiliwalghan yerlerge yene déhqanlarni heqsiz ishletken. Bu yerdin chiqqan paydini, idare - jem'iyetliri dölettin alghan ma'ashlirigha qoshumche qilip paydilinip kelmekte.

Xelq'ara emgek teshkilati 1919 ‏ - yili qurulghan, bu teshkilat dunyada mejburiy emgekke, heqsiz emgekke hem adaletsiz emgekke xatime bérish üchün qurulghan. U 1946 ‏ - yildin béri b d t ning bir orgini süpitide xizmet qilmaqta.

Xelq'ara emgek teshkilati qurulghan 90 yildin béri dunyadiki köpligen millet yaki xelqlerni heqsiz we mejburiy emgektin qutuldurghan. Biz bügün mezkur teshkilatning washin'gitondiki ishxanisigha téléfon qilip, Uyghur rayonidiki hashardin xewiri bar ‏ - yoqluqini soriduq.

Mes'ul xadim, Uyghur rayonidiki weziyettin az derijide xewiri barliqini, özlirining bu heqte köpligen pakitliq matériyallargha éhtiyajliq ikenlikini, shundaq bolghanda, xitaygha hasharni bikar qilish heqqide teklip we telep sunidighanliqini, buning bilen alaqidar xelq'ara tarmaqlarning xitaygha bu heqte bésim ishlitishige yol échilidighanliqini bildürdi.

Xelq'ara emgek teshkilatining bu mes'ul xadimi yene, b d t da xitayning xelq'ara emgek teshkilati ehdinamisigha imza qoyghan 182 döletning biri ikenlikini, xitayning hasharni yolgha qoyushining xelq'ara qanun'gha xilap ikenlikini eskertti.

Hörmetlik oqurmenler, yéngisardiki hökümet organliri peqet bir kenttinla 300 mo yerni igiliwalghan, Uyghur élining jenubidimu, shimalida bolghinidek, ishchi - xizmetchiler qoshunining köp qismi xitay millitidin, déhqanlar bolsa asasen dégidek Uyghur millitidin. Shunga nöwettiki yézilardiki hökümet organlirining yer igiliwélish we bu yerge déhqanlarni heqsiz ishlitish mesilisi körünüshte déhqan we kadir arisidiki mesile bolsimu, mahiyette Uyghur we xitay milliti arisidiki mesile bolup eks etmekte.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet