Chén shuybyen teywen bilen jonggo bir dölet emes dep jakarlighan


2006-09-28
Share

Birleshme agéntliqining 28 ‏- séntebir küni teybéydin xewer qilishiche, teywen prézidénti chén shuybyen minjindang partyi'isning 20 yilliq xatire küni munasiwiti bilen élip bérilghan pa'aliyette söz qilip "teywende asasiy qanunni yéngilash, gomindangning xelqni bulap tapqan mülkini birterep qilish we birleshken döletler teshkilatigha 'teywen' dégen nam bilen eza bolup kirishtin ibaret 3 meqsetke yétish"ni teshebbus qilghan.

Jang keyshi teywen xelqini öz erkinlikini ipadilesh hoquqidin mehrum qaldurghan idi

Xewerde bayan qilinishiche, teywen prézidénti chén shuybi'en minjindang partyi'isning 20 yilliq xatire küni sözligen nutiqida 'chong quruqluqtiki jongxu'a xelq jumhuriyiti 1971 ‏- yili birleshken döletler teshkilatigha eza bolup kirgendin kéyin, eyni waqittiki teywen prézidénti jang keyshi 'xenzu millitide banditlar bilen bir chapan kéymeydighan en'ene bar, shunglashqa jongxu'a min'go birleshken döletler teshkilatida kommunist partiye bilen bille turmay, bu teshkilattin chiqip kétishi kérek' dégen teshebbusini otturigha qoyup, bu arqiliq eyni waqitta, pütün teywen xelqini öz erkinlikini ipadilesh hoquqidin mehrum qaldurghan idi. Emdi teywen xelqi bu heqte öz rayi bilen qarar chiqiridu' dep jakarlighan.

'Teywen bilen jonggo pütünley bir-birige chétilmaydighan ikki dölet'

Xewerde bayan qilinishiche yene, teywen prézidénti chén shuybi'en muxbirlarning su'allirigha jawap bergende 'teywen dégen teywen, jonggo dégen jonggo, bu ikksi bir dölet emes, pütünley bir-birige chétilmaydighan ikki dölet, bu teywen xelqining yürek sözi we özgermes qayashi', 'teywen 1949 ‏- yilidiki urushta bölünüp chiqqan, shuningdin tartip chong quruqluqtiki her qandaq bir hakimiyet teywenni idare qilip baqmidi. Hazir teywen öz ishigha özi xojayinliq qiliwatqan bir démokratik aral' dégen. Prézidént chén shuybi'en minjndang partyi'isning 20 yilliq xatire küni élip barghan pa'aliyitige qatniship söz qiliwatqanda, chén shuybi'enni yiqitish üchün élip bériliwatqan 'qizil namayish' dawamliship 19 ‏- künige qedem qoyghan idi. Hazir bu namayishini dawam qilduruwatqan kishilerning sani 500 etrapida. Namayish bashlan'ghan künlerde élip bérilghan ray sinashqa qatnashqan ademning 65% i chén shuybi'enni texttin chüshüp kétishi kérek, dep qarighan bolsimu, hazir bu nisbet 48% ge chüshüp qalghan. Xewerde éytilishiche, amérikida bezi kishiler hélimu teywende qozghitilghan chén shuybi'enni yiqitish namayish jeryanida chong quruqluq bilen sürkülüsh kélip chiqip, bu urushqa amérikining ariliship qélishidin endishe qilmaqta.

Chin gang: teywen jonggoning bir qismi

Shinxu'a agéntliqining xewer qilishiche, xitay tashqi ishlar ministirlikining bayanatchisi chin gang 28 ‏- séntebir küni muxbirlarning so'allirigha jawap bergende 'dunyada peqet birla jonggo bar, teywen jonggoning bir qismi. Birleshken döletler teshkilati pütün dunyadiki igilik hoquqi bar döletlerning teshkilati, uninggha teywenning qatnishishigha ruxset qilinmaydu. Biz teywenning her qandaq nam bilen bölgünchilik qilishigha yol qoymaymiz' dégen.

2000 ‏- Yilidin kéyin teywende ilgirilesh boldi, chékinish bolmidi

'Merkizi agétliqi'ning bayan qilishiche, teywenning sabiq prézidénti li déngxuy ependimu bu künde muxbirlarning so'allirigha jawap bérip 'mini beziler jongxu'a min'goning asasiy qanunini yaxshi özgertmey qalaymiqan qiliwetken , dewatidu. U waqittiki shara'itta shunchilikla qilghili bolatti. 2000 ‏- Yilidin kéyin, teywende ilgirilesh boldi, chékinish bolmidi. Teywenni démokratiyileshtürüsh qedemmu -qedem ishqa ashidu. 1988‏- Yilidiki islahatta, teywendiki yerlik éqimni özgertish asas qilin'ghan idi, hazir asasi éqimni özgertish asas qiliniwatidu. Bu jeryanda teywenning eslidiki namini eslige keltürüshni choqum ishqa ashurush kérek. Buning üchün asasiy qanundiki namuwapiq jaylarni özgertmey bolmaydu' dégen. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet