Далай лама турк мәтбуатлирида


2007-10-18
Share

Түркийә мәтбуатлирида чаршәнбә күни америка дөләт мәҗлиси бинасида тибәт роһаний даһийси далай ламаниң дөләт мәҗлиси тәрипидин алтун медали билән мукапатланғанлиқи, буниң америка хитай оттурисидики мунасивәттә җиддийлик яратқанлиқиға орун берилди, түркийә "йеңи чағ гезити" "хитай билән америка арисидики далай лама кризиси" , "ватан" гезити болса "америка билән хитай оттурисида далай лама киризиси чиқти" дегән мавзуларда мақалиларни басти.

Булардин башқа пүтүн радио телевизорлардиму бу хәвәргә орун берилди. Һәтта бәзи телевизийә истансилири," далай ламаға дөләт мәҗлиси алтун медали бериш мурасимиға шәрқий туркистанлиқларниң мәниви аниси рабийә қадирму қатнашти," дәп хәвәр қилди. "Йеңи чағ "гезитидики бу һәқтики хәвәрдә, америкиниң далай ламаға алтун медал бериш қарари икки дөләт оттурисидики мунасивәткә қаттиқ зиян елип келидиғанлиқи һәққидә хитай һөкүмитиниң америкиға қаттиқ наразилиқ билдүргәнлики йезилған.

Хәвәрдә хитай ташқи ишлар министири яң җечи сәйшәнбә күни дөләт мәҗлисидә берилидиған мурасимни бикар қилишни, болмиса бу хәлқара мунасивәтләр принсипиға еғир хилап болупла қалмай, у йәнә хитай хәлқини рәнҗитидиғанлиқини, бу хитайниң ички ишлириға арилашқанлиқ болидиғанлиқини, билдүргәнлики йезилған. Хәвәрдә йәнә хитайниң бу бесимлириға қаримастин америка президенти бушниң далай лама билән көрүшкәнлики вә униңға өз қоли билән дөләт мәҗлиси медали бәргәнлики һәққидиму баян қилинған.

Америка дөләт мәҗлиси алтун медали америка пуқралириға берилидиған әң чоң шәрәп медали болуп, буниң далайламаға берилиши, уйғурларниң мәнивий аниси рабийә қадир ханимниңму бу мурасимға қатнишиши неминиң бишарити? туркийәдики мутихәсисләр вә шәрқий туркистан аммивий тәшкилатлири мәсуллири буниңға қандақ қарайду?

Бу һәқтә түркийә һаҗҗәттәпә университети оқутқучиси әркин әкрәм билән д у қ муавин башлиқи сейит түмтүрк әпәндиләр өз көз қарашлирини баян қилди. (Әркин тарим)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт