Dalay lama turk metbu'atlirida

• Muxbirimiz erkin tarimning bu heqtiki toluq melumati
• Download story audio

Türkiye metbu'atlirida charshenbe küni amérika dölet mejlisi binasida tibet rohaniy dahiysi dalay lamaning dölet mejlisi teripidin altun médali bilen mukapatlan'ghanliqi, buning amérika xitay otturisidiki munasiwette jiddiylik yaratqanliqigha orun bérildi, türkiye "yéngi chagh géziti" "xitay bilen amérika arisidiki dalay lama krizisi" , "watan" géziti bolsa "amérika bilen xitay otturisida dalay lama kirizisi chiqti" dégen mawzularda maqalilarni basti.

Bulardin bashqa pütün rad'i'o téléwizorlardimu bu xewerge orun bérildi. Hetta bezi téléwiziye istansiliri," dalay lamagha dölet mejlisi altun médali bérish murasimigha sherqiy turkistanliqlarning meniwi anisi rabiye qadirmu qatnashti," dep xewer qildi. "Yéngi chagh "gézitidiki bu heqtiki xewerde, amérikining dalay lamagha altun médal bérish qarari ikki dölet otturisidiki munasiwetke qattiq ziyan élip kélidighanliqi heqqide xitay hökümitining amérikigha qattiq naraziliq bildürgenliki yézilghan.

Xewerde xitay tashqi ishlar ministiri yang jéchi seyshenbe küni dölet mejliside bérilidighan murasimni bikar qilishni, bolmisa bu xelqara munasiwetler prinsipigha éghir xilap bolupla qalmay, u yene xitay xelqini renjitidighanliqini, bu xitayning ichki ishlirigha arilashqanliq bolidighanliqini, bildürgenliki yézilghan. Xewerde yene xitayning bu bésimlirigha qarimastin amérika prézidénti bushning dalay lama bilen körüshkenliki we uninggha öz qoli bilen dölet mejlisi médali bergenliki heqqidimu bayan qilin'ghan.

Amérika dölet mejlisi altun médali amérika puqralirigha bérilidighan eng chong sherep médali bolup, buning dalaylamagha bérilishi, Uyghurlarning meniwiy anisi rabiye qadir xanimningmu bu murasimgha qatnishishi némining bishariti? turkiyediki mutixesisler we sherqiy turkistan ammiwiy teshkilatliri mes'ulliri buninggha qandaq qaraydu?

Bu heqte türkiye hajjettepe uniwérsitéti oqutquchisi erkin ekrem bilen d u q mu'awin bashliqi séyit tümtürk ependiler öz köz qarashlirini bayan qildi. (Erkin tarim)