Хитай вә уйғур елидики деһқанларниң һәқиқий әһвали қандақ?


2006-07-19
Share

Хитай йеза игилик университетиниң хитайдики 80 дин артуқ йеза- кәнтләрдә елип барған тәкшүрүшидин мәлум болушичә, йәрлик һөкүмәт орунлириниң деһқанларниң мәнпәәтигә зиян йәткүзидиған әһвал наһайити еғир икән.

Мәркизи һөкүмәтниң ейтқини билән йәрликниң қилғини бир әмәс

Мәсилән, йәрлик һөкүмәт орунлириниң деһқанлардин халиғанчә пул йиғип, уларниң йерини зорлуқ билән тартивалидиған әһваллар йәнила давамлишиватқан болуп, деһқанларниң қаттиқ нәпритини қозғиған:

"Йезиларда қалаймиқан пул йиғидиған әһвал әзәлдин давамлишип кәлмәктә. Мәркизи һөкүмәт һадисә деһқанларниң йүкини йениклитимиз дәп вақириғини билән, йәрлик һөкүмәт дәл бун әксичә иш қилмақта. Улар деһқанларға хилму хил селиқларни селип, уларниң йүкини илгирикидин техиму бәк еғирлаштуривәтти. Мәсилән һазир мәркизи һөкүмәт деһқанчилиқ беҗини йоқ қилдуқ дәп җакарлиди. Лекин деһқанчилиқ беҗиниң йоқ қилиниши билән, башқа түрдики чиқимлар изчил һалда көпийишкә башлиди. Мәсилән маарип һәққи, ташйол һәққи дегәндәк пуллар барғансери көпийип, кишини амалсиз һаләткә чүшүрүп қойди. Һазир бу йәрдә пул десә һәр қандақ әмәлдар өз вижданини сатидиған һаләткә йәтти. Хәлқ үчүн хизмәт қилиш дегән уқум һечкимгә йоқ. Пәқәт пулла болса болди. Шуңа һазир мәйли пиланлиқ туғут җәһәттә болсун яки башқа җәһәттә болсун, һәммә ишта пул җәриманә қоюшни асасий қиливалған"

Мәркизи һөкүмәтниң хәлқи билән кари йоқ

Зияритимизни қобул қилған хитайниң сичуән өлкисидики бу деһқан вәкили хитай һөкүмитиниң деһқанлар һәққидә бекиткән сиясәтлириниң һечқачан һәқиқий әмәлиләшмәйватқанлиқини тәкитләп, өзиниң мәркизи һөкүмәттин қаттиқ нарази икәнликини билдүрди:

"Мәркизи һөкүмәтниң сиясити мәйли қанчә яхши болуп кетиштин қәти нәзәр, һәммиси пүтүнләй қуруқ шуар болуп қалған. Чүнки улар пәқәт сиясәт бекитишнила билип, униң қандақ иҗра қилинидиғанлиқи билән һечқачан кари болуп бақмиған. Һазир бу мәркизи һөкүмәт дегинимизниң мушундақ бир һөкүмәткә айлинип қалди. Шуңа мәйли сиз дөләт кабентиға яки хәлқ қурултийиға берип әрз қилиң, уларниңниң сизниң мәнпәәтиңизни көздә тутиши мумкин әмәс. Мәсилән биз узун муддәт бейҗиңдики һәрқайси һөкүмәт орунлириға берип әрз сунған идуқ, лекин һәр бир йәргә барғинимизда, улар мәсулийәтни башқа идарә орунлириға иттирип, бизни йолға салған. Демәк мәркизи һөкүмәт һечқачан хәлқниң һаяти вә мал ‏-мүлүки билән кари болуп бақмиған. Йәрлик һөкүмәт болса пулдин башқини тонимиған. Шуңа мән 'гәрчә мәсилә йәрлик һөкүмәттә болсиму, униң йилтизи йәнила мәркизи һөкүмәттә ' дәп қараймән "

Худди хитай деһқанлириға охшаш, уйғур деһқанлириму һөкүмәт тәрипидин боливатқан түрлүк бесимларға қаттиқ наразилиқ билдүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт