Uyghur élidiki déhqanlarning turmushini yaxshilash üchün sélin'ghan meblegh kimler üchün ishlitiliwatidu ?
2007.01.30
Shinxu'a torining 30 - yanwar künidiki xewiride, Uyghur élide déhqan - charwichilarning turmushida zor özgirishler berpa qilinip, déhqan -charwichilarning yilliq kirimi 2742 yüen'ge yetkenliki heqqidiki xewer élan qilin'ghandin kéyin, chet'ellerdiki Uyghurlar arisida türlük ghulghulilar meydan'gha keldi.
Közetküchiler, Uyghur élidiki déhqan - charwichilarning otturiche yilliq kirimi 2742 yüen'ge yetkenliki heqqidiki melumatqa ishinishke bolsimu, emma ishlepchiqirish qurulush armiyisi tarmiqidiki xitay déhqanlar bilen ichkiri ölkilerdiki déhqanlarning yilliq kirimi otturisidiki perqni sélishturghili bolmaydighanliqini bildürmekte.
Istansimiz Uyghur élidiki déhqanlarning weziyiti üstide melumat igileshni izchil dawamlashturup kelgen bolup, Uyghur déhqanlarning köpinchisining turmushining intayin qéyinchiliq ichide ötiwatqanliqi, hetta bezilirining achliq derdini tartiwatqanliqi heqqidiki inkaslardin xewerdar bolghan iduq.
Uyghur élining jenubidiki rayonlarda yashawatqan déhqanlarning turmushining qiyinchiliq ichide ötiwatqanliqi, xitay hökümiti teyinligen emeldarlar teripidin iqrar qilin'ghan bolup, ötken yili ötküzülgen partiye qurultiyida söz qilghan, qeshqer wilayetlik partkomning sékritari shi dagang: "déhqanlarning turmush sewiyisini yuqiri kötürüsh xizmiti intayin tes boluwatidu, nöwette otturiche hésab bilen déhqanlarning yilliq turmush sewiyisi 1800 yu'en etrapida, buning bilen peqetla déhqanlarning qursiqini toyghuzush mesilisi hel qilindi" dégen idi.
Undaqta, xitay hökümitining 2006 - yili peqet bir yil ichide " sotsiyalistik yéza berpa qilish üchün, salghan 77 milyard 700 milyon yüen mebliqi, qaysi yézining we qaysi déhqanlarning turmushida ghayet zor özgirishlerni meydan'gha keltürdi?
Bu heqte mulahize yene dunya Uyghur qurultiyining re'isi memet toxti ependi öz qarashlirini otturigha qoydi.
Munasiwetlik maqalilar
- Xitay hökümiti tor betlerde Uyghur élini "tarixtiki eng ewzel weziyette "dep teshwiq qilmaqchi
- Bir déhqanning déhqanlarning nöwettiki ehwali heqqide éytqanliri (2)
- Bir déhqanning déhqanlarning nöwettiki ehwali heqqide éytqanliri (1)
- Öz térilghu yiridin ayrilip qéliwatqan déhqanlar barghanséri köpeymekte
- Uyghur déhqanliri öz yézilirida mewjut boluwatqan mesililer heqqide toxtaldi
- Xitay we Uyghur élidiki déhqanlarning heqiqiy ehwali qandaq?
- Uyghur déhqanlirining bay bolalmasliqi ularning horunliqidinmu?
- Uyghur déhqanliri horunluqidin bay bolalmaywatamdu?
Köp körülgen xewerler
RFA
- Memet éziz sadiq türkiye sotida xitay üchün jasusluq qilish jinayiti bilen eyiblinip 12 yilliq qamaqqa höküm qilin'ghan
- Türkiye soti tunji qétim, erkin abduweli isimlik Uyghurni xitaygha qayturup bérish qararini élan qildi
- Qeshqer peyziwatta ahaliler roza tutmaywatqanliqi heqqide mes'ul kadirlargha ispat yollashqa mejburlan'ghan
- Firansiye metbu'atliri: xitayning dilnur reyhan üstidin erz qilishi edliye jehettin parakendichilik sélishtur
- Ma shingruy: “Amérikaning shinjanggha yürgüzgen émbargosi 144 din artuq karxanigha tesir qildi”