Хитайда демократийиниң қачан ишқа ашидиғанлиқини вен җябав әмәс хәлқ бәлгиләйду

• Мухбиримиз вәлиниң бу һәқтики толу мәлумати
• Download story audio

Бүгүн хәлқарада мәтбуатларда елан қилинған хитай һәққидики хәвәрләрниң ичидә, хитайда һәр йили бир қетим ечилидиған икки чоң йиғин йәнә башлиниш алдида туруватқанлиқи һәққидики хәвәр, мулаһизиләр бир қәдәр муһим салмақни игиләйду. Шинхуа агентлиқиниң баян қилишичә, һазир хәлқ вәкиллири, сиясий кеңәш вәкиллири бейҗиңға келишкә тәйярлиниватиду. Уларниң ичидә, йеза мәктәплиридә оқуғучиларниң селиқини пүтүнләй йоқ қилиш һәққидә тәклип тәйярлаватқан вәкил сани 20 дин ашқанлиқи мәлум. Хиянәтчиликкә қарши туруш, хәлқ турмушини яхшилашқа даир чоң тәкилип тәйярлаватқанларниң саниму хели көп икән.

Б б с ниң хәвәр қилишичә, хитайда икки чоң йиғин башлиниш һарписида, 26 ‏- феврал күни хитайниң баш миниситири вен җябав өз намида бир мақалә елан қилған. Вен җябав мақалисидә, хитайда базар игилики түзүми , демократийә түзүми вә җәмийәт әдли-адаләт түзүми техи мукәммәл әмәсликини, хиянәтчилик, парихорлуқниң йәнә мәвҗутлиқини етирап қилған. Вен җябав буниң сәвәбини чүшәндүргәндә 'биз техичә сотсиализимниң әң түвән басқучида туруватимиз' дегән. Вен җябав буни һәл қилиш үчүн 'биз тинч тәрәққи қилиш байриқини давамлиқ игиз көтүримиз. Партийимизниң сотсиализимниң төвән басқучи нәзәрийисини тәврәнмәнмәстин йәнә 100 йил давамлаштуримиз' дегән.

Вен җябав бу йилқи икки чоң йиғин үчүн алдин рамка бәлгилигән

Уйғур миллий һәрикитиниң йетәкчиси рабийә қадир ханим дәл бейҗиңда һәр йили бир қетим ечилидиған икки чоң йиғин йәнә башлиниш алдида туруватқанда, вен җябав йиғинға рамка бәлгиләватиду, йиғинда хәлқниң дәрдигә вәкиллик қилидиған вәкилләр оттуриға қойидиған тәклипләрни рәт қиливатиду, дәп мулаһизә қилиди.

Икки чоң йиғинда алди билән хиянәтчилик, кишилик һоқуқ , хәлқ турмушини яхшилаш мәсилилири музакирә қилинип һәл қилиниши керәк

Рабийә ханим вен җябавниң хитай йәнә сотсиализмниң төвән басқучида100 йили туридиғанлиқи тоғрисидики нәзирийисигә рәддийә бәрди вә уни рәт қилди вә хитайда демократийиниң қачан ишқа ашидиғанлиқини вен җябав әмәс хәлқ бәлгиләйду, дәп көрсәтти, шундақла бу икки чоң йиғинда алди билән хиянәтчилик мәсилилири, кишилик һоқуқ җәһәттики мәсилиләр , хәлқ турмушини яхшилаш мәсилиси музакирә қилинип һәл қилиниши керәкликини тәкитлиди. (Вәли)